web counter
LEXO PA REKLAMA!

SHKARKO APP

App Store
Google Play

Veliaj, kundërshtar apo zagar i Ramës?!

7 Janar 2019, 13:13, Aktualitet CNA

Në qarqet mediatike, sidomos në ato media që njihen si të kontrolluara nga  LSI-së apo PD, qarkullon një teori sipas së cilës, Erjon Veliaj është një kundërshtar i Edi Ramës dhe skenaret e tij po trondisin kryeministrin.

Infantiliteti politik në këtë rast është shumë pak, diversioni qesharak edhe më keq akoma, por duket një idiotsi politike e zjerrë në një kazan që njëherë vlon për qeverinë, njëherë për opozitën, varet kush I hedh dru ta mbajë me zjarr.

Në fakt kjo duket të jetë sa qesharake aq edhe e pështirë sidomos kur tezat i luan Nikoll Lesi, që pas disa gotave verë shpall Pandeli Majkon kryeministër, ku vetë do të jetë zëvendësi i tij, si Braçe sot me Ramën.

Në fakt përtej gomarllëqeve të Nikollës, e vërteta është se Erjon Veliaj është as më pak e as më shumë se një ndër zagarët më virtuozë të Edi Ramës, dhe ndoshta edhe i zgjedhur nga vetë Rama si trashëgimtar i tij, por jo një rival i tij. Rrugën duket se e ka të hapur.

Lali është qeni i bindur i të zotit, nuk e kafshon atë, gjuan dhe kap çdo lepur që qëllon gjahtari i tij, por edhe të ndonjë shoku që kanë dalë bashkë në pyll, herë me emrin Ilir apo ndonjë emër tjetër.

Erjon Veliaj nuk është kurrë rival i kryeministrit, por një zar të cilin Rama e përdor siç i intereson dhe prandaj teoritë që LSI e mbeshtët Veliajn apo se ky i fundit është një rival i Ramës duket të jenë qesharake dhe thjesht një diversion që bën Monika për të justifikuar pazaret e saj me Veliajn për interesa korruptive.

Në fakt, Rama e përdor Lali Erin dhe mund ta largojë kur të dojë dhe në PS sapo ta lëshojë Rama e shqyejnë çakejtë e uritur zagarin e kryeministrit.

Nuk kemi Lalin rival të Ramës, por Veliajn si vegël të kryeministrit dhe më larushi nga të gjithë, ndoshta me topa ngjyra-ngjyra siç i pëlqejnë piktorit tonë kryeministër. Në fakt, Rama atë e përdor dhe mund ta largojë kur të dojë, njëlloj siç bëri me ministrat, kur hoqi më një të rënë lapsit më shumë se gjysmën e kabinetit të tij./ CNA.al





Lajmet e fundit nga