web counter
LEXO PA REKLAMA!

SHKARKO APP

App Store
Google Play

Punimet në autostradën Tiranë-Durrës/ Gjiknuri inspektim nga afër

7 Janar 2019, 12:07, Aktualitet CNA

Ministri akoma në detyrë i Infrastrukturës dhe Energjisë, Damian Gjiknuri ka inspektuar ditën e sotme nga afër punimet që po kryhen në segmentin rrugor Tiranë-Qafë Kashar, ku janë duke u ndërtuar dy tombino që zgjidhin problemin e përmbytjeve.

Gjiknuri i shoqëruar edhe nga Drejtori i Autoritetit Rrugor Afrim Qëndro, u shpreh se kjo është ndërhyrja e parë serioze që po bëhet për sistemimin e një problemi shumëvjeçar.

?Kërkojmë ndjesë për ndonjë pengesë që mund të krijohet gjatë këtyre ditëve në trafik por kjo është e domosdoshme për të evituar probleme edhe më të mëdha. Qytetarët duhet të na mirëkuptojnë në këtë rast. Vitin e fundit, programi i rehabilitimit të rrugëve ka qenë intensive dhe u bë e mundur të investohen mbi 25 milion euro. Një vlerë e cila nuk ishte menduar më parë për mirëmbajtjen e rrugëve. Produktet janë të prekshme, me sinjalistikën, riparimin e disa akseve kryesore. Edhe gjatë ditëve me reshje dëborë u vu re se programi i mirëmbajtjes po funksionon shumë mirë. Në total janë 250 kilometra ku është ndërhyrë për rehabilitim, rikonstruksion e rregullim shtresash asfaltike?- tha Damian Gjiknuri.





Lajmet e fundit nga