web counter
LEXO PA REKLAMA!

SHKARKO APP

App Store
Google Play

“Emigrantët” e huaj në Shqipëri/ Italianët në krye të listës

4 Janar 2019, 18:15, Aktualitet CNA

Rreth 57, 616 mijë të huaj që jetojnë në Shqipëri, prej tyre 13 mijë janë të pajisur me leje pune.Të dhënat e Bankës Botërore i sjell të  publikuara portali Our World in Data.

Sipas tij, prej vitit 2010 numri i të huajve në Shqipëri ka qenë në rritje. Në vitin 2010  kishte rreth 52,784 mijë të huaj, ndërsa në 2015-n (viti i fundit me të dhëna të përditësuara) numri i të huajve është rritur me 10%.

Ndër arsyet kryesore të tërheqjes së të huajve në Shqipëri është kosto e lirë e jetesës. Për sa i përket lejeve të punës, italianët kanë numrin më të lartë. Së fundi Shqipëria po shndërrohet në një destinacion të preferuar edhe për studentët italianë. Popullsia e dytë është ajo turke, pasur më pas nga kinezët.

Edhe shqiptarët e Kosovës përbëjnë një përqindje të konsiderueshme të emigrantëve në Shqipëri. Megjithatë numri i tyre në raport me vite më parë është më i ulët. Në vitin 2000, për shkak se në Kosovë vijonin trazirat e pas luftës për shkëputjen nga Serbia, shumë shqiptarë të Kosovës u strehuan në Shqipëri. Prandaj viti 2000 shënon rekord të numrit të të huajve me rreth 77 mijë të huaj.

Në rajon Shqipëria renditet ndër vendet me numër të ulët emigrantësh. Numrin më të madhe e ka Serbia, me rreth 807 mijë të huaj që jetojnë atje. Në Maqedoni janë rreth 130 mijë dhe në Malin e Zi rreth 82 mijë të huaj.

Bosnje Hercegovina ka numrin më të ulët të huajve në rajon, ku sipas Bankës Botërore në 2015-n ishin rreth 32 mijë./CNA.al

 





Lajmet e fundit nga