E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Të gjithë kundër Lulit, të gjithë me Bashën

3 Janar 2019, 14:55, Aktualitet CNA

Në Partinë Demokratike kryetari i saj Lulizim Basha, duket të jetë në një situatë mjaft të vështirë dhe, më shumë se mbështetës realë, ka ngelur nën rrethin e një grushti servilësh, duke u shkëputur nga bashkëpunëtorët dhe strukturat e PD-së.

Faktet janë të shumta dhe fillojnë që me rizgjedhjen e tij ku nga 100 mijë antarë që pretendon Basha nuk votuan as 15 mijë në të gjithë vendin. Fakt që tregon një ndarje të tij me bazën e PD-së dhe mosbesim të thellë për drejtimin e tij.

Por pas kësaj zgjedhje vjen riorganizimi i PD-së, ku në 90% të degëve u rikonfirmuan kryetarët në detyrë me gara formale, pa zgjedhje në bazë, emërime drejtuesish seksionesh e grupseksionesh. Një formalizëm që tregon se Basha sërish ka reaguar më mospjesëmarrje.

Më pas, erdhi kuvendi i deklaruar me gati 7 mijë delegatë, ku morën pjesë dhe votuan vetëm 1700 vetë faktikisht.

Të gjitha rezultatet e mësipërme u manipuluan dhe u shpallën ndryshe nga e vërteta, por Lulzim Basha e di se çfarë ndodh dhe e njeh mirë situatën megjithëse e fsheh nga publiku.

Pas fakteve që vijnë nga baza janë edhe kundërshtitë që Basha ka në qendër. Janë disa grupime apo rryma brenda PD-së, të cilat në fakt të gjitha janë futur në përplasje më njëra-tjetrën, por edhe në kundërshti me vetë Bashën.

Një grup që sillen si të degeluarit dhe të mbështeturit nga Sali Berisha, si Edi Paloka, Belind Këlliçi, Arben Ristani, Oerd Bylykbashi, Jorida Tabaku dhe disa të tjerë punojnë në krah të Bashës, por janë të zhgënjyerit dhe në takime konfidenciale kritikë dhe kundërshtarë të fortë të mënyrës sesi Basha drejton PD-në. E shohin si kryetar vetëm sepse nuk ka një rival tjetër të mbështetur nga Berisha.

Brenda tyre ka nga ata që nuk u vendosën apo nuk u zgjodhën deputetë nga Basha, të cilët së bashku me disa sekretarë të tjerë u afruan dhe ishin pro kundërshtive ndaj Bashës, por qëndruan pas tij me disa pazare dhe sërish me argumentin se s?ka alternative tjetër. Këtu shtohet Enno Bozdo, Fatbardh Kadili dhe shumë të tjerë që shpresuan tek Luli deri ditën që si vuri më në lista.

Ekziston dhe një grup i tretë si Grida Duma dhe Ervin Salianji, në zyrën e qoshës së tyre, e ndonjë tjetër periferik, që në fakt komandat i marrin nga zyrat e Kunatit dhe Gruaja e Lulzim Bashës. Ata janë linja pro Lulit dhe përplasen me çdo grupim tjetër në PD sa herë e do nevoja. Aktualisht kanë filluar sulmin me komandë ndaj Arben Ristanit, që nuk e duan me sekretar të përgjithshëm. Shpesh përdoren si kamikazë për teza të ndryshe, që më pas argumentohen në publik nga analistët e Lulit si Alfred Lela, Artan Hoxha e ndonjë tjetër.

Por edhe këta kanë shfaqur pakënaqësitë e tyre dhe sulmet ndaj Bashës në momente të caktuara. Pas daljes së video skandalit Salianji G.D., sulmi i tyre ndaj Bashës ishte frontal, por gjithçka më pas e zbuti dosja Babale që megjithëse PD-së ju kthye kundër, u përpoq që të dilte duke përdorur skenarë, të cilët vështirë se mund të shpëtojnë deputetin e skandalit erotik.

Nga të gjithë këta, që kush më afër e kush më larg Lulit të gjithë e kanë sulmuar, sharë dhe akuzuar, duke thënë në grup një të vërtetë që e dëgjon kudo në PD, ?Luli është i paaftë?, ?Luli komandohet nga familja?, ?Luli shkatërroi PD-në?, këta i kanë thënë dhe i thonë, por jo publikisht. Rëndomë i dëgjon në tavolina e takime konfidenciale që të thonë edhe që Luli është një Lolo.

Në fund të gjithë këtyre që duken kundër është dhe ndonjë tjetër që thotë vetëm po po dhe nuk i duhet askujt më në atë parti. Këta janë pak a shumë si profile servilash dhe sekti i kërmijve në PD, që simbol ka Edmond Spahon. Por këta janë pa peshë në tallavanë, që është muzika kryesore e Lulzim dhe partisë së tij në këto kohë.

Të gjithë janë kundër të gjithëve, e të gjithë bëjnë sikur janë pro tij, Luli tallet, i gënjen dhe i përdor, ata tallen e gënjejnë dhe thejsht mbajnë ca karrige. Republika e re po shfaqet çdo ditë e më shumë me të vërtetat e saj./CNA.al