web counter
LEXO PA REKLAMA!

SHKARKO APP

App Store
Google Play

E fundit!

x

Dimri i acartë/ Manastirliu: Masat për përballimin e të ftohtit

3 Janar 2019, 14:17, Aktualitet CNA

Ministrja e Shëndetësisë, Ogerta Manastirliu zhvilloi sot një takim me strukturat e shëndetësisë për përballimin e emergjencave të mundshme që lidhen me motin e ftohtë në vend.

Ajo bëri me dije se ekipet e përforcuara të Urgjencës Kombëtare do të jenë në gadishmëri të përforcuar, me personel shtesë edhe pas ditëve të festave dhe me shërbimin e urgjencës në territor dhe Njësinë e Helikopterëve 24/7.

Ministrja u shpreh  se spitalet janë në gadishmëri për çdo situatë që lidhet me motin e ftohtë që ka përfshirë vendin tonë.

?Të gjitha qendrat shëndetësore që rrezikojnë bllokimin nga moti i keq, janë pajisur me barna dhe materiale mjekësore shtesë për të përballuar të gjithë periudhën e dimrit. Janë 92 qendra shëndetësore nga veriu në jug të vendit të pajisura me medikamentet e nevojshme për sezonin e dimrit. Në Tiranë vijon shërbimi 24/7 në katër qendra shëndetësore për urgjencat pediatrike dhe përforcim me mjekë në Pediatrinë e QSUT-së?- tha ministrja e Shëndetesisë.

Ndërsa, Instituti i Shëndetit Publik vijon informimin e qytetarëve për masat për të përballuar të ftohtin. ISHP rekomandon qëndrimin në ambjente të ngrohta me temperaturë jo më të lartë se 21-23 gradë celsius, të cilat duhet të ajrohen disa herë në ditë për të siguruar lagështinë e duhur për rrugët e frymëmarrjes dhe për të ulur përqëndrimin e mikrobeve në shtëpi.

Manastirliu ftoi qytetarët që për çdo emergjencë të telefonojnë në numrin 127 dhe të ndjekin këshillat e ekspertëve të shëndetit publik për të mbrojtur shëndetin nga i ftohti dhe ngricat.





Lajmet e fundit nga