E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Ndryshimet ligjore në pagesën e tatimeve/ Njoftimi i rëndësishëm

3 Janar 2019, 12:57, Aktualitet CNA

Drejtoria e Përgjithshme e Tatimeve ka njoftuar të gjithë tatimpaguesit se janë përditësuar në sistemin tatimor e-Tax, të gjitha ndryshimet ligjore që kanë hyrë në fuqi nga data 1 janar 2019, me publikimin në Fletoren Zyrtare nr. 187, datë 28.12.2018.

Të gjithë tatimpaguesit, tashmë mund të gjejnë të gjeneruara në e-Filing, deklaratat e tyre tatimore me ndryshimet si më poshtë vijojnë:

DEKLARATA E TATIMIT MBI FITIMIN

Shkallë e reduktuar për Tatimin mbi Fitimi 5% për:

?për sipërmarrjet me xhiro deri në 14 milionë lekë;

?për sipërmarrjet në agroturizëm;

?për shoqëritë e bashkëpunimit bujqësor

DEKLARATA E TATIMIT NË BURIM

Lidhur me ndryshimin e shkallës së Tatimin mbi Dividentin nga 15% në 8% .

Janë shtuar dy rubrika të posaçme për deklarimin: ?Pagesat për kalimin e të drejtës së pronësisë me shitje? dhe ?Pagesat për kalimin e të drejtës së pronësisë me trashëgimi ose dhurim?

Gjithashtu është mundësuar edhe pasqyrimi i ndryshimeve përkatëse në Deklaratën Individuale Vjetore të të Ardhurave (DIVA) lidhur me Tatimin mbi Dividentin nga 15% në 8% .

TAKSAT KOMBËTARE

Janë reflektuar ndryshimet në lidhje me:

?Taksën e materialeve/artikujve plastikë dhe e ambalazheve plastike të importuara në masën 35 lekë/kg, me përjashtim të lëndëve të para në forma primare.

?Taksën e ambalazheve prej qelqi në masën 5 lekë/kg

?Taksën e granulatit të importuar në masën 25 lekë/kg

LISTËPAGESAT

Përsa i përket listëpagesave është mundësuar deklarimi elektronik për ndryshimet lidhur me:

?Pagën minimale mujore, e barabartë me 26,000 lekë dhe maksimale deri në 114,670 lekë, për të gjitha kategoritë e punësimit.

?Kufirin e pagës bruto bazë për llogaritjen automatike për tatimin mbi të ardhurat nga punësimi mbi 150,000 lekë me shkallë tatimore 23%.

Drejtoria e Përgjithshme e Tatimeve në vazhdimësi do të informojë tatimpaguesit e çdo fashe qarkullimi, për ndryshimet e legjislacionit tatimor, që kanë hyrë tashmë në fuqi. /Monitor/