web counter
LEXO PA REKLAMA!

SHKARKO APP

App Store
Google Play

E fundit!

x

Foto/ E lidhur prej vitesh me afganin, kush është vajza që u vra nga i ati

3 Janar 2019, 12:22, Aktualitet CNA

Janë zbuluar detaje të reja nga krimi i tmerrshëm në Korfuz, ku një shqiptar vrau vajzën e tij 28-vjeçare dhe më pas fshehu trupin e saj në kopshtin e shtëpisë.

Ngjarja makabre ndodhi në fshatin Alepu në Korfuz, ndërsa 28-vjeçarja Angjeliki Pjetri ka humbur jetën pas goditjeve të forta me armë të ftohta në kokë.

28-vjeçarja ishte shpallur dje paradite e humbur, ndërsa pas presionit të policisë babai i saj, për të cilin mediat greke shkruajnë se ishte minoritar grek nga Shqipëria, ka pranuar se e vrau të bijën pasi kishte lidhje intime me një shtetas afgan.

Ndërkohë raportohet se vajza ishte njohur me të dashurin afgan që 15 vjeçe, ndërsa ishte ai që e kërkonte që dje paradite me këmbëngulje dhe lajmëroi policinë.

Anxhelina Petro lindi në maj të vitit 1990, por me të atin u njoh vetëm 13 vjet më parë, pasi gjetën njëri-tjetrin, atëherë babai e mori në Korfuz për një jetë më të mirë.

28-vjeçarja ka jetuar në Shqipëri deri në moshën 16 vjeçe, ndërsa më pas është shpërngulur për të jetuar me të atin. Së fundmi, ajo kishte ikur nga shtëpia dhe bashkëjetonte me të dashurin Ali, në një zonë tjetër të Korfuzit.

Policia greke ka arrestuar autorin e krimit, ndërsa pritet dhe autopsia e trupit të viktimës nga mjekët ligjorë./CNA.al





Lajmet e fundit nga