web counter
LEXO PA REKLAMA!

SHKARKO APP

E fundit!

x

Horror në Greqi/ Shqiptari vret vajzën dhe e varros në kopështin e shtëpisë

3 Janar 2019, 07:22, Aktualitet CNA

Një krim makabër ka ndodhur në Korfuz, Greqi ku një shqiptar ka vrarë vajzën e tij 28-vjeçare dhe më pas ka fshehur trupin e saj në kopshtin e shtëpisë.

Vajza ishte shpallur dje paradite e humbur, ndërsa në darkë, pas presionit të policisë babai shqiptar, për të cilin mediat greke shkruajnë si ishte minoritar grek nga Shqipëria, ka pranuar se e vrau të bijën pasi kishte lidhje intime me një shtetas afgan. Ka qenë pikërisht partneri i 28-vjeçares që ka denoncuar në polici  pasi ajo nuk ishte paraqitur dje në punë.

Ngjarja ka ndodhur në fshatin Alepu në Korfuz. 28-vjeçarja Angjeliki Pjetri ka humbur jetën pas goditjeve të forta me armë të ftohta në kokë.

Sipas, BW babai vrasës është detyruar të dëshmojë pas këmbënguljes së policisë dhe gabimeve të shumta që e kanë tradhtuar gjatë hetimit policor.

29-vjeçarja Angjeliki Pjetri kishte lidhje prej kohësh me një shtetas afgan në Korfuz, çfarë shkaktonte debate të ashpra me të atin, i cili ishte kundër. Vajza ishte e pavarur, gjithsesi, pasi punonte në një dyqan në Korfuz dhe nuk banonte më me të atin.
Policia ka arrestuar vrasësin, ndërsa pritet dhe autopsia e trupit të viktimës nga mjekët ligjorë.





Lajmet e fundit nga