web counter
LEXO PA REKLAMA!

SHKARKO APP

App Store
Google Play

Policia serbe arreston zv.ministrin e Kosovës

2 Janar 2019, 15:06, Aktualitet CNA

Zëvendës ministri i Kulturës, Rinisë dhe Sportit dhe njëkohësitsht nënkryetari i Partisë Liberale të serbëve në Kosovë, Boban Stankoviç është arrestuar nga policia serbe në pikën kufitarë të Merdasë.

Ky lajm u bë publik nga kryeministri i Kosovës, Ramush Haradinaj, në një postim në rrjetet sociale.

Haradinaj shkruan se shteti serb është duke vazhduar me provokimet ndaj Kosovës, ku shton se Stankoviç ëshë duke u mbajtur nga policia pa asnjë arsye.

?Vazhdojnë provokimet dhe qasja jokonstruktive e shtetit serb ndaj qytetarëve të Republikës së Kosovës

Sot në pikën kufitare në Merdare, është ndaluar nënkryetari i Partisë Liberale të serbëve të Kosovës si dhe zëvendësministër në Ministrinë e Kulturës Rinisë dhe Sportit, Boban Stankoviq. Ai po mbahet nga zyrtarët policorë serb pa asnjë arsye dhe në bazë të informacioneve që kemi ai po merret në pyetje nga zyrtarë të BIA-së serbe.?-shprehet kreu i qeverisë së Kosovës.

Më tej, ai u kërkon autoriteteve serbe që të ndalin veprime të tilla, pasi kjo gjë nuk i tremb kosovarët.

?Ftojmë autoritetet serbe që të ndalojnë praktikat tilla të presionit ndaj qytetarëve serb, të cilët duan ta ndërtojnë jetën e tyre në Republikën e Kosovës. Kosova është shtet i gjithë qytetarëve të saj dhe ne nuk do të pranojmë që në këtë formë të frikësohen qytetarët tanë.?-mbyll postimin në rrjetet sociale ai./CNA.al





Lajmet e fundit nga