E fundit!

16:05 Politikë

Rama për protestat: Në bulevard edhe turistë të shtirur, lëpijnë e pickojnë tubuesit e sinqertë

Kryeministri Edi Rama ka reaguar sërish lidhur me protesta...

Nga Xhovani SHYTI/ Paditë për shpifje, si epidemia e kioskave

2 Janar 2019, 18:52, Aktualitet CNA

Kryebashkiaku Erion Veliaj ka paditur drejtuesin e PD-së, Lulzim Basha dhe nënkryetaren e Komisionit të Ekonomisë, Jorida Tabakun. Lajmi është bërë publik pak ditë më parë, duke bërë realitet një premtim të paralajmëruar nga Veliaj, në kundërpërgjigje të akuzave që dy drejtuesit e PD-së adresuan për të.

Basha dhe Tabaku e kanë akuzuar Veliajn për devijimin e rrjedhës së lumit të Lanës dhe projektin e Unazës së Re, me qëllim stimulimin e një biznesmeni të ?inkriminuar?, sipas tyre. Gjë që ,sipas Veliajt, nuk është e vërtetë dhe përbën shpifje e fyerje.

Kryebashkiaku i akuzon Tabakun dhe Bashën për shpifje dhe shkelje të bëra me lejet e ndërtimit gjatë periudhës kur mbanin postet e kryetarit dhe nënkryetares në Bashkinë e Tiranës. Padia e tij vjen pasi deputetja Tabaku lajmëroi ngritjen e një padije në adresë të Veliajt, i cili në mbledhjen e fundit të Këshillit bashkiak e akuzoi ish nënkryetaren, sakaq deputete opozitare, për dhënien e një lejeje ndërtimi gjyshes së vet.

Paditë e ngritura nga Veliaj dhe Tabaku janë më të fundit, por jo të vetmet në skenën e politikës shqiptare ku akuzat e kundërakuzat, paditë e kundërpaditë janë bërë si ?buka që ham?.

Dy muaj më parë, PD dhe LSI ngriten padi penale ndaj kryeministrit Edi Rama. Arsyeja e kësaj padie qenë fjalët e këtij të fundit, kundër ish-oficerit Emiliano Nuhu,që denoncoi rastin ?Xhisiela?, ku ishte i përfshirë djali i deputetit të PS-së Rrahman Rraja.

Petrit Vasili i LSI-së dhe Edmond Spaho i PD-së i vlerësuan fjalët e Ramës ?kërcënuese?, ?ndërhyrje në punën e organeve ligjzbatuese?, dhe tentativë për të penguar zbulimin e të vërtetës?. Por as kjo nuk është e para dhe e fundit. Mjaft të kërkosh në google me fjalën ?paditet? dhe të dalin një dyzinë të tilla.

Si dikur kioskat, ngritja e padive është bërë sot epidemia që ka prekur veçanërisht politikanët, qeveritarët dhe njerëzit e lidhur me ta. Ja disa prej tyre të nxjerra nga google:

? PS padit Sali Berishën për thirrje të armatosura?, ?Filip Çakuli padit Sali Berishën?,? Sali Lushaj padit Taulant Ballën: Dua 2 mln lekë dëmshpërblim?,?Taulant Balla padit Shkelzen Berishën?, ? Shkëlzen Berisha padit Taulant Ballën?, Shkëlzen Berisha padit juristin e OSHEE?, ?Balla padit për shpifje Salianjin, paralajmëron padi për Boçin?,? Kuponi i publikuar nga ish-kryeministri, LSI padit Sali Berishën?,?Armando Duka padit Erion Braçen: U frymëzova nga Edi Rama?,?Marin Mema padit kryeministrin Edi Rama?,? Ministri Gjiknuri padit kunatin e Artur Zhejit??,? PD padit Ramën e Gjiknurin?,?LSI padit Edi Ramën??, etj.etj. Janë lajme të publikura nga shtypi e media, duke ju referuar të thenave të paditësve, por që mbeten deri këtu. Pasi askush nuk di ta thotë fatin e tyre të mëtejshëm./ CNA.al