web counter
LEXO PA REKLAMA!

SHKARKO APP

App Store
Google Play

E fundit!

x

Rikthimi i Lulzim Bashës

2 Janar 2019, 12:49, Aktualitet CNA

Ka filluar viti 2019, i cili pason një vit shumë të fortë politikisht. Kryesisht me protesta pa ?kokë?, tek të cilat nuk identifikoheshin drejtuesit. Protesta arriti kulmin me studentët dhe u mbyllën me qëndresën për tre ditë të përfaqësuesve të Diasporës. Një grup të rinjsh që jetojnë dhe punojnë jashtë vendit, kryesuar nha Genc Sejko, për tre ditë protestuan përpara kryeministrisë. Edhe ata i dhanë një shenjë qeverisë, e cila filloi që nga fakti që policia nuk u dha leje për të protestuar.

Por, përtej kësaj 2018-ta ishte një vit me protesta dhe shumë skandale për qeverinë, por edhe për opozitën.

E në fakt ishte viti kur pritej që të ?çelte? Lulzim Basha, por Luli nuk çeli dhe gjithë shpresa tashmë mbetet tek rikthimi i i tij. Për ata që mendojnë se Luli do të rikthehet fort në 2019-ën, e rëndësishme është të mësojnë se në fundjavë Luli rikthehet nga Hollanda, pasi kishte ikur për pushimet e Vitit të ri, dhe ku humbet shpesh për të vaditur tulipanët e tij.

CNA.al ka mësuar se Luli do të rikthehet në Shqipëri për fundjavë, për t?u bërë gati për festën e përvitshme, pra aktivitetin e pritjes që organizon Rilindja Demokratike në datë 7, e cila ka daljen e saj të parë në 6 janar të vitit 1991.

Luli pritet të rikthehet në Tiranë për këtë aktivitet. Pra, më shumë sesa një rikthim i Lulzim Bashës i vërtetë, në politikën aktive, me akte të vërteta politike dhe me qëndresë, 2019-ën, Luli do ta fillojë me rikthimin nga Hollanda, për të vijuar ritualin e tij vajtje-ardhje. Ata që mendojnë se Luli do të rikthehet fuqishëm këtë vit, ju bëjmë me dije se ai do ikë prapë në Hollandë, se i thahen tulipanët. Këtë punë ka Luli, vjen e shkon, për të ujitur tulipanët dhe për të ajrosur shtëpinë. / CNA.al

Ekskluzive/ Lulzim Basha pushimet e fundvitit i kalon në Holandë





Lajmet e fundit nga