Ditë zie në institucionet dhe Bashkinë e Korçës/ Lotët e mërzia pushton qytetin

29 Dhjetor 2018, 14:12, Aktualitet CNA

Ka rënë si një ?bombë? shkarkimi i Niko Peleshit dje live në Asamblenë e PS, në administratën e Bashkisë Korçë, por edhe më gjerë.

Në atmosferë festash, duke kënduar në klubet e pazarit, duke stolisur qytetin, duke bërë like dhe uruar Nikon për festa, dje janë nxirë shumica. Ata që Niko i mori nga rruga, i bëri socialistë, drejtorë, specialistë, Rilindas etj etj, dje ishin me lot në sy.

Sa shumë djem e vajza, zonja e zotërinj që lotonin dje s?kishte parë kurrë Bashkia e Korçës, e ndarë në shumë godina.

Kishte nga ata dhe ato që kishin blerë kostumet e reja, fustanet e reja për festa, do ishin në darkë me ministrin që tani ngeli vetëm deputet.

Zonjusha e zonja që me hiret e tyre zbukurojnë pedonalen e mbushin komitetin, koperativën etj në pazarin e rinovuar…

Do i çonin urime e dhurata njeriut që për ta kishte bërë aq shumë por ?qelbësira? Edi Rama (siç i thoshin dje kryeministrit në Bashkinë e Korçës), i la me gisht në gojë.

S?ka më pasarela e jetë mondane, s?ka më gezim e kitare, Viti i Ri do kalojë me lot në sy.

Ra ylli në shkelqim, ra i madhi, i vetmi, më i miri, ai që ndërtoi Korçën, që nga hiçi i bëri njerëz, ra Niko Peleshi nga karrigia, e hoqi tak fak Rama.

Niko kishte vetëm 1 vit ministër, ata që e qajne kanë nga 10 vjet në bashki. Megjithëse s?ka nevojë për obobo e aq shumë lot. Raqi do jetë sërish dhe ata do mbijetojnë pasi Niko i ka rrënjët e thella e do e zgjidhë prapë me të gjatin.

Lotët e korridoreve të Bashkisë sa nuk dolën në rrugë, ku kalonin me kokë ulur e qanin shumë drejtorë që kanë nga 5 vjet plaçkisin e bëjnë c?të duan në institucionet ku janë.

Tani në qakun e Korçës ka të tjerë ?komandantë?, është Elisa e doganave dhe Shalsi i vjedhjes me lezet. Shumë drejtorë jo vetëm qanin me oi, por çonin mesazhe kurajoje tek Niko-ja, mbahu se na ke ne. Megjithëse kur ikën ministrat me 5 vite, drejtorët duket se i ka marrë lumi.

E kështu me lot e dhimbje u mbyll dita e djeshme dhe po shtyhen këto ditët e pragut të 2019, që do mbyllet me lot e mërzi me urimin se Viti i ri, do sjellë gëzim sërish për drejtorët e institucioneve dhe stafin e Bashkisë Korçë./ CNA.al