E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Rama u jep nga një “kockë” ish-ministrave

29 Dhjetor 2018, 13:27, Aktualitet CNA

Kryeministri Rama ditën e djeshme në mbledhjen e Asamblesë Kombëtare të PS, shkarkoi live 7 ministra të kabinetit të tij qeverisës.

Ndërkohë me ndryshimet e reja në qeveri, të njoftuara nga kryeministri Rama një ditë më parë, mbeten vakant postet drejtuese në dy komisione parlamentare, përkatësisht, Komisionit të Ekonomisë, pas emërimit të Erion Braçes në postin e zv/kryeministrit.

Po ashtu përkohësisht pa drejtues mbetet edhe Komisioni i Veprimtarive Prodhuese, pasi emërimit të Eduard Shalsit në postin e ministrit të Shtetit për Mbrojtjen e Sipërmarrjes, gjithashtu një vend i mbetur bosh, është edhe ai i nënkryetarit të Komisionit të Integrimit, pas emërimit të Bledi Çuçit si ministër i Bujqësisë.

CNA.al ka mësuar se ministrat e shkarkuar pritet të drejtojnë disa nga komisionet parlamentare.

Arben Ahmetaj pas shkarkimit nga detyra e Ministrit të Financave do të zërë vendin e Erjon Braçes në krye të Komisionit të Ekonomisë, vend që mbetet vakant pas emërimit të këtij të fundit si zv.kryeministër.

Nga ana tjetër, Niko Peleshi i cili nuk do të jetë më ministër i Bujqësisë, mund të zërë vendin e Eduard Shalsit si Kryetar i Komisionit të Veprimtarisë Prodhuese.

Ndërsa Ditmir Bushati, sikurse e tha vetë Rama dje live, do të japi kontributin e vet në Këshillin Kombëtar të Integrimit.

Ndërsa në lidhje me ministrat e tjerë të cilët u shkarkuan, detyrat e tyre pritet të bëhen publikë në fillim të sesionit të ri parlamentar.

Por ka edhe një detaj. Duket se Rama i ka çuar ministrat e larguar nga detyra në krye të komisioneve parlamentare, që në fakt këta të kontrollojnë ministrat pasardhës. Duke qënë se këta kanë qënë vetë ministra dhe i njohin institucionet i ka vënë në komisionet parlamentare që të kontrollojnë ligjet dhe të bllokojnë ato ç?ka ministrat çojnë vetë atje.

Kjo duket të jetë një shpërblim shumë i vogël i Ramës, pasi i shkarkoi live dje pa i vënë në dijeni fare, ndërsa tashmë po u jep nga një ?kockë? për t?i mbajtur afër./ CNA.al