web counter
LEXO PA REKLAMA!

SHKARKO APP

App Store
Google Play

E fundit!

x

Deputeti akuza Ramës/ Ku janë shpërblimet e mësuesve?

29 Dhjetor 2018, 12:44, Aktualitet CNA

Deputeti i Partisë Demokratike Luçiano Boçi në një deklaratë për mediat akuzoi kryeministrin Edi Rama se nuk ka dhënë asnjë shpërblim për mësuesit e sistemit para universitar, ashtu siç ia kërkon ligji.

Boçi theksoi se Rama nuk ka para për të shpërblyer mësuesit, pasi ato para sipas tij kreu i qeverisë ia jep oligarkëve.

?Edi Rama nuk ka dhënë asnjë shpërblim për mësuesit e shqiparisë të sistemit parauniversitar, por ka mjaftueshëm para për oligarkët e tij.?-tha ai.

Më tej deputeti demokrat theksoi se Rama nuk e do arsimin dhe për këtë arsye vetëm brenda këtij viti mbylli 228 shkolla.

?Mburrja e Edi Ramës së po bën shtet vlen vetëm për të mashtruar shqipatërt. Mungesa e shpërblimit të mësuesit është fakt se Rama nuk e do arsimin.

Fakt që Rama nuk do t?i kthejë në shkollë 134 mijë fëmijë që kanë lënë mësimin. Plot 228 shkolla  u mbyllën në sistemin para universitar këtë vit.?-deklaroi Luçiano Boçi.

Deklarata e plotë:

Qeveria e Edi Ramës ka vendosur një rekord të ri në keqtrajtimin, përçmimin dhe denigrimin e mësuesve gjatë këtyre 5 viteve të fundit.

Që kur ka ardhur në pushtet e deri më sot, Edi Rama nuk ka dhënë asnjë shpërblim për fundin e vitit për 34 mijë mësues në arsimin parauniversitar.

Edhe këtë vit, qeveria që paguan 105 milionë euro për koncesionet e oligarkëve, nuk ka asnjë qindarkë për të shpërblyer mësuesit e Shqipërisë.

Duke mos u dhënë shpërblimin e fundvitit 34 mijë mësuesve, qeveria shkel kontratën kolektive të firmosur mes Ministrisë Arsimit dhe Sindikatave.

Në nenin 10 të kontratës thuhet se ?punëdhënësi, që në këtë rast është qeveria, u njeh sindikatave të drejtën për shpërblimin vjetor të mësuesve në sistemin publik parauniversitar.?

Mburrja e Edi Ramës se po bën shtet vlen vetëm për mashtrimin e shqiptarëve nëpërmjet makinerisë së tij të propagandës. Në të vërtetë, kryeministri po u mohon 34 mijë mësuesve të Shqipërisë një të drejtë të fituar me ligj.

Mungesa e shpërblimit për mësuesit është reflektim i braktisjes së arsimit nga qeveria. Edi Rama nuk e ka prioritet arsimin dhe këtë e faktoi në çdo drejtim protesta e studentëve.

Është fakt se buxheti për arsimin në Shqipëri është në nivelin më të ulët të investimeve në Europë.

Është fakt se kjo qeveri nuk ka asnjë përpjekje për të rikthyer në shkollë 134 mijë fëmijë, të rinj dhe studentë që kanë braktisur arsimin. Këtë vit u mbyllën 228 shkolla të sistemit parauniversitar.

Mësuesit e Shqipërisë dhe sistemi arsimor kanë vetëm një alternativë të besueshme, Partinë Demokratike.

Ne jemi të qartë për vizionin tonë: Mbështetje financiare për arsimin, shpërblimin dhe rritjen e pagave për mësuesit, investim për infrastrukturë moderne, subvencionim për tarifat e studentëve, stazh të paguar për 10 mijë studentë çdo vit.

Partia Demokratike ka të gjithë vullnetin për ta nxjerrë sistemin arsimor nga kriza dhe për të shkuar me vendosmëri drejt zhvillimit./CNA.al

 

 





Lajmet e fundit nga