web counter
LEXO PA REKLAMA!

SHKARKO APP

App Store
Google Play

Studimi/ Qenushi juaj kupton më shumë se sa mendoni ju

29 Dhjetor 2018, 21:35, Aktualitet CNA

Për shkak të natyrës së tyre shumë të dashur, qentë shpesh herë perceptohen dhe si ?budallenj.?

Një studim i bërë së fundmi ka treguar se miqtë tanë me katër këmbë mund të kuptojnë më shumë se sa mendojmë ne. Sipas studimit qeni mund ta kuptojë gjuhën njerëzore më shumë se sa mendojmë ne. Gjithsesi mendohet se ata kuptojnë më shumë tonin e zërit se sa vetë fjalën që themi ne.

Grupi i studiuesve ka analizuar një grup me qenusha të rracave dhe moshave të ndryshme. Në këtë rast është analizuar mënyra se si truri i tyre reagonte ndaj fjalëve të thëna me tone të ndryshme.

Në fund shkencëtarët dolën në përfundimin se truri i tyre është shumë i ngjashëm me trurin njerëzor.

U pa se qeni e përpunon tonin e zërit në anën e djathtë të trurit, ndërsa fjalët në anën e majtë të tij, pikërisht si dhe ne.

Kështu që si përfundim miqtë tanë me katër këmbë janë të aftë për të  kuptuar si dhe për të kombinuar informacionin.  Ata kuptojnë çdo fjalë dhe janë të aftë të kuptojnë dhe gjendjen emocionale. Ndër të tjera na duhet të përmendim se qeni mëson më shumë nëse përdorim sistemin e shpërblimit. Pra nëse qeni juaj bën diçka të gabuar mos e ndëshkoni, thjesht lavdërojeni kur bën diçka të mirë. Miku yt besnik e kujton gjithmonë që një veprim i caktuar sjell reagim pozitiv tek ju,ndaj dhe do të përsërisë veprimet që sjellin reagime të tilla./Cna.al

 





Lajmet e fundit nga