Pas Ramës, edhe Basha në panik nga studentët

26 Dhjetor 2018, 13:35, Aktualitet CNA

Kryeministri Edi Rama ka mbledhur sot qeverinë me fokus tetë kërkesat e studentëve. Rama deklaroi në një konferencë për shtyp se studentët ekselentë dhe ata në nevojë do përfitojnë arsimim falas si dhe do përfitojnë bursa mujore. Edhe për studentët e programeve Master, Qeveria ka vendosur që për ata me mesatare 9-10 tarifa të ulet me 50%. Gjithashtu foli edhe për vendimin për kartën e studentit.

Por, reagimi i Ramës tregon se kryeministri është trembur nga revolta studentore dhe këtë madje e ka pranuar publikisht.

Në parlament, Rama e pranoi se studentët i dhanë një ?shpullë? qeverisë. Gjithashtu e ka pranuar publikisht se mund të ketë edhe ndryshime në qeveri për shkak të mesazhit që përçuan studentët dhe revoltës së tyre.

Shpesh në takime apo dalje publike flet për kërkesat e studentëve. Mori vendimin për kartën e studentit, sot foli për ulje të tarifave etj. Çështje të cilat po i quan si zgjidhje të tetë pikave të kërkesës së studentëve, duke u përpjekur të qetësojë revoltën studentore, por edhe të ruajë pushtetin e tij.

Por, nga ana tjetër me vrap del edhe kreu i PD, Lulzim Basha, gjë e cila tregon që edhe Luli është në panik për shkak të premtimeve që Rama u bën studentëve sepse nëse kryeministri ka bërë akt politik me ligjin e arsimit të lartë dhe është fajtor për ligjin në fjalë, të cili edhe e ka mbrojtur publikisht, edhe Lulzim Basha ka qënë pjesë e pazarit të atij ligji.

Kujtojmë këtu faktin që nuk e çoi logjin kurrë në Gjykatën Kushtetuese, megjithëse e konfirmoi në atë kohë për CNA.al se për këtë ishte ngarkuar Ivi Kaso dhe se brenda datës 6 dhjetor të vitit 2015, ligji do të ishte në Gjykatën Kushtetuese. Veprim që në fakt nuk u bë kurrë.

Në atë kohë, njerëz pranë Lulzim Bashës ishin në mbrojtje të Ligjit për Arsimin e Lartë. Romeo Gurakuqi, i cili sot është anëtar i grupit parlamentar të PD-së, ishte flakë e zjarr në mbrojtje të atij ligji.Gjithashtu edhe një nga këshilltarët e Lulzim Bashës, Alfred Lela ishte me ?shpatë? në dorë duke bërë avokatinë e ligjit në fjalë.

Vetë Lulzim Basha nuk e sulmoi kurrë publikisht atë ligj. Vetëm ditën e fundit pasi shkruajti Jozefina Topalli apo tha Sali Berisha në parlament dy fjalë.

Ligjin Lulzim Basha nuk e rrëzoi kurrë. Por kaluan disa kohë dhe tha do ta rrëzoj kur të vij unë në pushtet.

Dalja e sotme e Ramës dhe reagimi i menjëhershëm i Bashës tregojnë se të dy ndodhen në panik. Rama nuk po rrëzon ligjin, por po përmirëson problemet në lidhje me studentët, duke e ditur se edhe vetë Basha gënjen në lidhje me Ligjin për Arsimin e Lartë dhe është pjesë e pazarit të tij./ CNA.al

Rama zbardh vendimet e qeverisë/ Studentët që përfitojnë tarifa shkollimi zero

Pakti për Universitetin/ Basha akuza të forta Ramës