web counter
LEXO PA REKLAMA!

SHKARKO APP

App Store
Google Play

Vasili zbulon skandalin/ KLP shkel ligjin që në mbledhjen e parë 

26 Dhjetor 2018, 11:12, Aktualitet CNA

Në drejtimin e kryetarit Gent Ibrahimi është mbledhur ditën e sotme Këshilli i Lartë i Prokurorisë, i cili po diskuton për rekrutimin e stafit dhe emërimin e 6 magjistratëve prokurorë, të cilët pasi kanë përfunduar praktikën janë pa punë.

Ndërkohë, në lidhje me këtë mbledhje të KLP-së ka reaguar kreu i grupit parlamentar të LSI-së, Petrit Vasili.

Në një postim në faqen e tij në rrjetet sociale, Vasili shkruan se KLP ka shkelur ligjin që në hapin e parë.

Sipas Vasilit, edhe nëse janë zgjedhur anëtarët e Këshillit të Lartë Gjyqësor dhe Këshillit të Lartë të Prokurorisë, dispozita që rregullon mënyrën e thirrjes dhe mbledhjes së këtyre organeve kolegjiale nuk ekziston, pasi ato rezultojnë të shfuqizuar nga Gjykata Kushtetuese.

?KLP ne menyre skandaloze shkel ligjin e funksionimit te vet.

S’ka mundesi qe askush te pranoje e te legjitimoje kete veprimtari aventureske te KLP, kur dispozitat ligjore nuk ekzistojne pasi:

Edhe nëse janë zgjedhur anëtarët e Këshillit të Lartë Gjyqësor dhe Këshillit të Lartë të Prokurorisë, dispozita që rregullon mënyrën e thirrjes dhe mbledhjes së këtyre organeve kolegjiale nuk ekziston, pasi ato rezultojnë të shfuqizuar nga Gjykata Kushtetuese (neni 61, dhe neni 159 i ligjit nr.115/2016 ?Për organet qeverisëse në sistemin e drejtësisë?, janë shfuqizuar tërësisht).?-shkruan Vasili.

Më tej, deputeti i LSI bën thirrje që KLP të mos thellojë paligjshmërinë e tij, duke e cilësuar edhe si një atentat ndaj shtetit ligjor.

?KLP te ndalet dhe te mos thellohet ne paligjshmeri,sepse kesisoj po ndihmon kaosin,paligjshmerine dhe ilegjitimitetin e institucioneve te reja.

Cdo gje e lindur mbi antiligjshmerine eshte antireforme dhe atentat ndaj shtetit ligjor.

KLP NDALU DHE RESPEKTO LIGJIN !!!?-përfundon postimin e tij Petrit Vasili./ CNA.al





Lajmet e fundit nga