web counter
LEXO PA REKLAMA!

SHKARKO APP

App Store
Google Play

E fundit!

x

“Nuk ka aplikim për leje ndërtimi”/ PD nxjerr zbuluar Veliajn

26 Dhjetor 2018, 15:45, Aktualitet CNA

Partia Demokratike, në një deklaratë  për mediat ka sulmuar kryebashkiakun e Tiranës, Erion Veliaj se po bën rolin e budallait për projektin rezidencial me vlerë 60 milionë euro pranë Unazës së Madhe.

Sipas PD-së, shqiptarët i kanë parë faktet që kjo forcë politike ka shfaqur në media për ndryshimin e projektit për Lumin e Lanës me firmë të dyshes Rama-Veliaj në vitin 2013.

?Pas Arben Ahmetajt, sot i erdhi rradha Erion Veliajt për të bërë rolin e budallait për projektin luksoz rezidencial 60 milionë euro të trafikantit të drogës pranë Unazës së Madhe.

 Shqiptarët kanë parë me sytë e tyre dokumentat zyrtare të paraqitur nga Partia Demokratike, që provojnë se Plani Urbanistik i Tiranës dhe projekti për Lumin e Lanës u ndryshuan me firmat e Edi Ramës dhe Erion Veliajt për të favorizuar tokën ku Edmond Bego ka parashikuar të ndërtojë projektin 60 milionë euro.

 Shqiptarët e kanë parë vetë dhe nuk kanë nevojë për mashtrimet banale të Erion Veliajt se Projekti i Lanës i vitit 2013 zinte një pjesë të konsiderueshme të ish-Serave.?-shkruhet në deklaratën e PD-së.

Më tej në deklaratë shkruhet se kryebashkiaku Veliaj mashtron kur thotë se në atë zonë nuk ka asnjë aplikim për leje ndërtimi.

 ?Shqiptarët kanë parë gjithashtu se projekti i vitit 2017 shmang plotësisht ish-serat, vetëm pasi kjo pronë u privatizua në mars 2016 me paratë e trafikantit të drogës.  Të gjithë i kanë parë 4 faturat prej 1.5 milionë euro të paguara për privatizimin nga Edmond Bego për llogari të Ministrisë së Financave.

 Erion Veliaj mashtron paturpësisht, kur thotë se nuk ka asnjë aplikim për leje ndërtimi në atë zonë.

 Partia Demokratike ka paraqitur dokumenta zyrtare që provojnë se aplikimi për leje ndërtimi nga Edmond Bego, në zonën e ish Serave, pranë Unazës së Madhe, e ka kaluar fazën e parë të miratimit dhe tani leja është vetëm formalitet.

 Afera e projektit luksoz rezidencial 60 milionë euro provon se Erion Veliaj nuk ka asnjë ndryshim nga Edi Rama. Ai është njësoj në shërbim të trafikantëve të drogës, për të shëmbur shtëpitë e qytetarëve. për të ndërtuar pallatet e krimit dhe për të pastruar paratë e pista të krimit dhe korrupsionit.?- përfundon deklarata e opozitës./CNA.al

 





Lajmet e fundit nga