web counter
LEXO PA REKLAMA!

SHKARKO APP

App Store
Google Play

Zbulohet aksioneri kryesor i Telekom Albania

26 Dhjetor 2018, 15:45, Aktualitet CNA

Zyrtarisht Telekom Albania është shitur dhe CNA.al ka mësuar se aksioner kryesor i saj është Spas Roussev, aksioneri kryesor i Vivacom në Bullgari.

Por kush është Spas Roussev?

Spas Roussev ka qenë i angazhuar në industrinë e telekomunikacioneve që prej vitit 1999.

Ai ka qenë bashkëthemeluesi dhe drejtuesi i Telelink, një prej sistemeve më të mëdha integruese të telekomunikacioneve në Evropën Qendrore dhe Lindore, nga viti 2001 deri më 2012. Përveç aksioneve te Vivacom, ai ka kryer investime në hoteleri (Intercontinental dhe Hilton, në Sofie të Bullgarisë) dhe në një sër start-up-esh teknologjike.

Roussev është gjithashtu i angazhuar në media dhe në një sërë organizatash jo fitmimprurëse, kryesisht në artin skenik bashkëkohor.

Aktualisht Vivacom është kompania më e madhe e telekomunikacioneve në Bullgari që ofron shërbimet më cilësore të kategorisë. Vivacom ka krijuar infrastrukturën më të madhe të rrjetit dhe renditet në vend të parë për sa i takon zërit fiks dhe bandës së gjerë.

Ajo është operatori nr.1 IPTV dhe e treta për sa i takon paketave televizive me parapagesë (duke ofruar si DTH ashtu edhe IPTV) dhe e treta sa i takon telefonisë celulare (edhe pse ka hyrë e fundit në treg ka kapur tashmë 28% të tregut). Vivacom pati një Vit të Fuqishëm Financiar më 2017, sa i takon anës operacionale dhe performancës financiare, me të ardhura prej 455 milionë eurosh dhe fitime prej 165 milionë eurosh (EBITDA).

Më herët CNA.al ka raportuar se Telekom Albania  ishte shitur dhe aksioneri i parë i saj ishte një shtetas shqiptar, Elvin Guri, i fundit ky që kishte punuar si bankier, themelues kompanie, drejtor, dhe si investitor për më shumë se 20 vjet./ CNA.al

Shitet Telekom Albania/ Zbulohet aksioneri i parë





Lajmet e fundit nga