web counter
LEXO PA REKLAMA!

SHKARKO APP

App Store
Google Play

E fundit!

x

A ka shpirtra, në tokë mes nesh? Më në fund merr fund misteri

25 Dhjetor 2018, 22:40, Aktualitet CNA

Mes pak sigurive të pakta që ka njeriu në jetë një prej tyre është  vdekja. Për pjesën tjetër, vetëdija mbi vdekjen na dallon nga kafshët. Por tej kufijve ajo çka ndan botën e të gjallëve nga ajo e të vdekurve është heshtja. Sot ashtu si dje nevoja për të zvogëluar dhimbjen e vdekjes na ka bërë që të krijojmë shpresa për një jetë pas vdekjes.

Gjurmët e ritualeve më të vjetra të lidhura me shpirtrat datojnë 90 mijë vite më parë. Është varri i një gjahtari i gjetur në Izrael, ku në duart e të vdekurit janë gjetur objekte të cilat mendohet se janë dhurata që do ta ndihmonin atë për të kaluar nga jeta në jetë.

Ka shumë forma arti të cilat prej shumë kohësh mundohen të paraqesin kalimin nga një botë tek tjetra. Sipas këtyre veprave trupi dhe shpirti ndahen e shpirti vazhdon të jetojë edhe pas vdekjes trupore. Për egjiptianët e vjetër, jeta e përtejvarrit ishte aq konkrete sa mund të përshkruhej me detaje. Gjithsesi udhëtimi përtej botëve nuk ishte definitiv sipas tyre, të vdekurit mund të kthehen për të na folur ose komunikuar me ne në forma të tjera.

Në shkrimet e shenjta flitet për kontakte të mundshme me persona nga bota e të vdekurve. Pavarësisht mënyrës se si janë sjellë apo interpretuar këto histori më vonë nga katolikët, episodi i parë i komunikimit me të vdekur në histori është shkruar në Bibël, flitet për Mbretin Saul i cili ndihmohet nga një magjistare dhe arrin të komunikojë me mbretin Samuel.

Edhe Homeri udhëheq Uliksin në mbretërinë e të vdekurve, derisa nëna e tij i tregon rrugën për tu kthyer në Itakë. Magjia ishte e ndaluar në Greqinë e Lashtë.

Mendohej se të vdekurit e urrenin të bezdiseshin përtej varrit. Një nga qëllimet e varrimit sipas tyre është edhe pengimi i të vdekurit për t?u kthyer në botën e të gjallëve./Cna.al





Lajmet e fundit nga