web counter
LEXO PA REKLAMA!

SHKARKO APP

App Store
Google Play

E fundit!

x

Ja si të lesh pas krahëve një traumë psikologjike

1 Janar 2019, 12:05, Aktualitet CNA

Të gjithë e kemi një të kaluar, na pëlqen ose jo, dhe kjo mund të na kushtëzojë jetën. Është e pamundur që të harrosh kush je dhe çfarë ke bërë. Të thuash të kundërtën do të thotë të gënjesh veten. Ka shenja që tregojnë se jemi ende të lidhur emocionalisht pas një traume që na pengon të jetojmë të tashmen.

Çfarë është një traumë psikologjike

Kur truri nuk e përpunon spontanisht një traumë, emocionet si dhe ndjesitë trupore bllokohen. Në këtë pikë ndërtohen rrjeta neuronesh jo funksionale, që ndikojnë në funksionin normal psiqik të trurit dhe në mirëqenien e personit. Impakti i asaj që njihet si traumë psikologjike është subjektiv dhe varet nga karakteristikat e personalitetit të personit si dhe nga struktura emotive njohëse e tij. Një element tjetër që përcakton reagimin ndaj traumës është edhe ambienti ku rritet dhe formohet individi.

Një traumë psikologjike e pazgjidhur mund të sjellë një ngarkesë disfunksionale për trurin

Shpesh origjina e pazbuluar e traumave mund të sjellë edhe probleme me stresin si dhe pasoja të tjera të mëvonshme. Baza e problemeve të tilla është tek ngjarjet traumatike të përjetuara në moshë të vogël. Zakonisht ndëshkimet fizike, presionet apo edhe sjelljet agresive të cilat përjetohen gjatë fëmijërisë lenë gjurmë tek njerëzit pa e kuptuar as ata vetë. Traumat e pazgjidhura psikologjike mund të krijojnë një seri kompleksesh të cilat kanë si bazë reagimet disfunksionale me veten dhe të tjerët.

Si ta kapërcesh një traumë

Konfliktet e pazgjidhura mund të jenë të vështirë për t?u kaluar. Mbi të gjitha nësë nuk merr kohën e duhur për t?i kaluar. Koha nuk duhet të të krijojë panik. Duhet ta dish që një ngjarje traumatike nuk mund të të kontrollojë jetën, thjesht ka ndodhur dhe është pjesë e të shkuarës. Të mësosh të jetosh me fantazmat e së shkuarës duke bërë kujdes që të mos lëndohesh është një proces i gjatë dhe i koklavitur, kështu që duhet të jesh i qetë teksa merr veten nga trauma./Cna.al





Lajmet e fundit nga