Basha mashtron sërish demokratët/ I shtrin dorën Ramës për bashkëqeverisje

19 Dhjetor 2018, 08:35, Aktualitet CNA

Opozita ka bojkotuar seancat plenare të Kuvendit të Shqipërisë që prej muajit shtator, me pretendimin se kjo është një shenjë proteste për kriminalitetin në vend.

Në fillim të sesionit parlamentar, opozita çdo të enjte zhvilloi takime paralele me punimet e Kuvendit, në rrethe, ku denoncoi situatën kriminale. Më pas u prezantuan edhe dy platforma, një për çlirimin e ekonomisë nga krimi dhe një për çlirimin e zgjedhjeve.

Më tej, sa për të mbajtur ndezur debatin politik, Basha hodhi edhe një tjetër shkashkë, atë për vettingun në politikë.

Por, ndërkohë që vetë Lulzim Basha në të gjitha daljet mediatike deklaronte se nuk futej në parlament me ?qeverinë e krimit?, dje situata ka ndryshuar. Duke gjetur si justifikim çështjen e studentëve, Basha ka vendosur të shpëtojë mandatet dhe në takimin me aleatët dje në selinë blu, ju ka komunikuar atyre se do të rikthehen në parlament.

Por, mesa duket gjithcka Luli e ka farsë dhe e bën për interesa personale. Bojkoti i tij nuk ishte kundër qeverisë, por sepse Basha kërkon të futet në qeveri me Ramën. Një gjë të tillë e konfirmoi dje edhe kreu i grupit parlamentar të PD, Edmond Spaho.

Spaho, gjatë një interviste në ABC News, ndër të tjera pranoi se Luli kërkon jo të rrëzojë Ramën, por të bashkëqeverisë me të.

?Çdo gjë është e mundur situata është shumë inkadeshente. Në varësi të situatës ditët e ardhme do planifikojmë edhe hapat tanë. Nuk habitem që në 21 janar të votojmë një qeveri tjetër jo të Edi Ramës. Të gjitha opsionet janë të mundshme, sa ndryshimet mund të jenë shumë të shpejta.?-tha Spaho.

Sikurse rasti i çadrës, ku Lulzim Basha mashtroi demokratët dhe pastaj bëri marrëveshje dhe u fut në bashkëqeverisje me Ramën, e njëjta situatë duket të jetë edhe në lidhje me bojkotin parlamentar. Basha çdo gjë e ka në interesin e tij personal dhe nuk i intereson nëse PD-ja pëson të tjera humbje të turpshme, si ajo e 25 qershorit 2017. Mjafton që Luli të mbajë karrigen e kreut të PD-së, apo të marrë ?shpërblimin? nga Rama, sikurse ndodhi me 16 milion eurot e pallatit të vjehrrit në Vlorë./ CNA.al