web counter
LEXO PA REKLAMA!

SHKARKO APP

App Store
Google Play

E fundit!

x

I sinqerti Lulzim Basha!

15 Dhjetor 2018, 12:28, Aktualitet CNA

Sot, Luzim Basha ka mbajtur fjalimin e tij në Kuvendin Kombëtar, një fjalim me disa mesazhe të qarta politike, ku thelbi ishte elita e re politike që i duhet vendit dhe përmbysja e sistemit aktual, jo vetëm duke larguar Ramën, por edhe duke çmontuar kastën politike në vend.

Për herë të parë, Lulzim Basha duket i sinqertë, a thua se ai e ka kuptuar thelbin e problemit më të madh që ka sot Shqipëria, kastën politike dhe mungesën e besimit që shqiptarët kanë tek forcat politike, kryesisht te PD-ja dhe Lulzim Basha, Rilindja apo edhe LSI-ja.

Lulzim Basha flet për një brez të ri dhe një rrymë te re politike duke shmangur veten dhe duke luajtur se e vjetra duhet shembur, atje Luli nuk përfshin veten, sepse duke qënë 45 -vjeç kujton se i përket të resë, megjithëse  14 vjet në politikë, vetëm vitet e fundit si kryetar i PD-së, dhe në rast se PD ishte 8 vite në pushtet, Luli ka qenë Minister i Transpoteve, ku u akuzua për skandalin Rrugës së Kombit, Ministër i Jashtëm, ku i shiti detin Shqipërisë, si Ministër i Brendshëm,  ka në kurriz 21 janarin, dhe si kryetar i Bashkisë, në katër vite flinte gjumë në kolltuqet e zyrës.

Basha është përgjegjës për situatën poitike në Shqipëri, po aq sa Rama dhe Meta dhe është pushtetari me jetëgjatë pas Edi Ramës.

Luli tha të vërtetën, por përjashtoi veten, ai është elita e vjetër politike, ai është sistemi, ai është brezi i vjetër dhe kurrësesi nuk mund të jetë i riu, prandaj kur i thotë me sinqeritet disa gjëra tregon se e ka kuptuar thelbin, por shmang veten duke ?u shitur? se është i ri dhe i përket elitës së re. Në fakt është po aq i vjetër sa pushteti i Sali Berishës, më jetë gjatë në pushtet se sa Jozefina Topalli, me më shumë pushtet dhe kosto politike për PD-në se sa Astrit Patozi. Ndoshta vetëm doktori ia kalon për pushtet Lulzimit që ende ka shpresë se do të bëhet kryeministër, shef ëndrra në pushtet me Edi Ramën.

Kuvendi sot me Lulzim Bashën, ishte hapi final i ngritjes së Republikës së Re, një Kuvend ku përfundimisht, Basha vulos shpartallimin e PD-së, shpartallimin e demokratëve dhe vendosjen e familjes së Lulit në krye të opozitës./ CNA.al





Lajmet e fundit nga