web counter
LEXO PA REKLAMA!

SHKARKO APP

App Store
Google Play

E fundit!

x

Rama reagon për protestën/ Studentët i tremben presionit kundër dialogut

15 Dhjetor 2018, 11:28, Aktualitet CNA

Kryeministri Edi Rama vazhdon të përsërisë qëndrimin e tij lidhur me protestën e studentëve.

Këtë here ai e ka quajtur protestën një farsë të orkestruar me shpresën e devijimit të saj në revoltë politike.

Rama shkruan se ata që po bëjnë që kjo protestë të mos ketë rezultat janë një grup njerëzish, të cilët nuk binden se dialogu është e vetmja zgjidhje.

Sipas tij studëntët nuk i tremben dialogut, por presionit kundër dialogut.

?Një grusht njerëzish që përsërisin qorrazi avazin kundër Dialogut, mbajnë peng mijëra studentë që duan dhe meritojnë jo vetëm adresimin e 8 pikave, po një transformim të thellë brenda Universitetit, përmes një Pakti me Qeverinë! Historia tregon për shumë raste kur Dialogut i janë trembur qeveritë, po s’ka bërë vaki kurrë që t’i tremben studentët dhe studentët sot në fakt, nuk i tremben Dialogut, po presioneve kundër Dialogut, sharjeve e fyerjeve ndaj kujtdo që kërkon Dialog, të cilat porositen nga partitë përmes studentësh që i’a kanë shitur shpirtin politikës më të mbrapshtë?Sidoqoftë farsa e kësaj barrikade absurde kundër Dialogut, s’ka për të zgjatur sa ka zgjatur. Dialogu do zhbllokohet, Arsyeja do fitojë dhe së bashku ne do të hapim një kapitull të ri për Universitetin??, shkruan Rama në Instagram./ CNA.al





Lajmet e fundit nga