web counter
LEXO PA REKLAMA!

SHKARKO APP

App Store
Google Play

LSI sulmon qeverinë/ Policia dhunoi gjatë natës, studentët protestues

14 Dhjetor 2018, 10:53, Aktualitet CNA

Deputetja e LSI-së, Florida Kërpaçi, në një deklaratë për mediat ka sulmuar ashpër kryeministrin Edi Rama, me argumentin se ky i fundit po tallet me studentët, të cilët protestojnë prej 10 ditësh për plotësimin e 8 kërkesave.

Kërpaçi tha se qeveria përbuzi dje amendamentet për studentët, ndërsa ka denoncuar edhe aktin e dhunës së studentëve nga Policia e Shtetit.

?Studentët nuk pranojnë të dialogojnë për 8 kërkesat e tyre, sepse ata nuk kërkojnë asgjë tjetër veçse përmbushjen e këtyre kushteve, të cilat qeveria i refuzoi dhe i përbuzi dje në Parlament, duke rrëzuar amendamentet që kishin të bënin me vendosjen e fondeve në buxhet për zgjidhjen e problemeve të studentëve. Përballë studentëve, në mënyrë të egër dhe armiqësore është vendosur Edi Rama, i cili ka zgjedhur arrogancën, imponimin dhe përçarjen si rrugën e komunikimit me studentët.

Policia e cila nuk përplaset po bëhet njësh me krimin, dje i është kundërvënë të rinjve, të cilët të vendosur për të kaluar natën në të ftohtin e acartë, nuk i ka lejuar të përdornin disa copa druri për ngrohje. Oficerë si Roven Zeka, nuk mundet kurrë që duke përdorur uniformën e policisë, të dhunojnë të rinjtë.

Policë të tillë i bëjnë turp Policisë së Shtetit dhe largimi i tyre nga forcat e policisë do të ishte më e pakta që mund të bënin që të reflektonin ndaj këtyre ngjarjeve të turpshme?,- tha Kërpaçi./ CNA.al

 





Lajmet e fundit nga