web counter
LEXO PA REKLAMA!

SHKARKO APP

App Store
Google Play

E fundit!

x

Mosha bën të veten/ Çuni i Fahriut tallet me Ramën

10 Dhjetor 2018, 12:46, Aktualitet CNA

Banorët e ?Astirit? në Tiranë vijojnë protestën, kundër shembjes së shtëpive të tyre, në kuadër të projektit për ndërtimin e Unazës së re.

Banorët janë mbledhur afër kantierit të punës së Kompanisë me hunj e lopata në duar, duke bërë që të ndërpriten punimet.

Ata kanë deklaruar se nuk do të lejojnë kompaninë e cila ka fituar tenderin e Unazës së Re, të kryejë punime atje.

Ndërkohë, protestës i janë bashkuar edhe përfaqësues të opozitës. Çuni i Fahriu Balliut, deputeti i PD, Klevis Balliu gjatë një prononcimi për mediat ndërsa theksoi se nuk do të lejohet të prishen shtëpitë e qytetarëve, ironizoi kryeministrin Rama.

?Nuk do të lejohet asnjë makineri të fillojë punimet. Nuk ka paralajëmrim për dhunë, por banorët thonë se shtëpitë do t?i mbrojmë me gjak. Tani nëse mosha bën të veten për Edi Ramën e nuk dëgjon mirë nga veshët është problem tjetër?-tha Klevis Balliu.

Banorët e zonës së ?Astirit? prej ditësh protestojnë për të mos lejuar prishjen e banesave të tyre në kuadër të projektit të Unazës së Madhe. Prej më shumë se një muaji, banorët mblidhen çdo ditë duke akuzuar qeverinë për vjedhje e paligjshmëri. Protesta e tyre është mbështetur nga PD dhe LSI.





Lajmet e fundit nga