web counter
LEXO PA REKLAMA!

SHKARKO APP

App Store
Google Play

Protestat fusin në panik kryeministrin/ Rama lan duart para studentëve

10 Dhjetor 2018, 10:39, Aktualitet CNA

Kryeministri Rama në një komunikim live në rrjetet sociale, ka ripërsëritur ftesën për dialog ndaj studentëve protestues.

Ndërkohë që theksoi se dialogu është i domosdoshëm, Rama është munduar edhe të heqë përgjegjësinë nga vetja.

Edhe pse ka 5 vite në pushtet, Rama i gjendur në panik nga protestat masive, të cilat i thyen arrogancën e tij, u përpoq që fajin t?ja hidhte universiteteve dhe dekanëve.

?Një dekan i papërgjegjshëm nxori një afishe dhe u tha se nuk do t?i paguani me këste, por të gjitha tani. Atëherë protesta është e tyre?-tha Rama.

Gjithashtu Rama, duke u ndalur te kërkesa e studentëve për tarifën e studimeve, përsëriti se ato nuk i cakton qeveria por vetë universitetet. Kryeministri shtoji se ekzekutivi është gati të mbështesë studentët financiarisht në pagesën e tarifës studimore.

“Cilat kërkesa? Tarifat? Patjetër, t’i diskutojmë. Unë mbështes plotësisht arsyetimet racionale dhe mbi të gjitha e ndjej dhimbjen e atyre prindërve dhe atyre studentëve që janë studentë dhe jo masha politike atje që kanë nevojë për më shumë mbështetje. Dua të jem i qartë, tarifat nuk i vendos qeveria, quhet autonomi universitare. Ato tarifa që u rritën në 2014-2015, nuk janë rritur më me pas, por janë tarifa të rritura deri në tavanin e vendosur nga qeveria sepse do shkonin kacafiu. Jemi gati të investojmë nga taksat për të mbështetur studentët në pagesën e tarifës”./ CNA.al





Lajmet e fundit nga