web counter
LEXO PA REKLAMA!

SHKARKO APP

Nuk ndalen studentët/ Sot sërish protesta para Ministrisë së Arsimit

10 Dhjetor 2018, 08:11, Aktualitet CNA

Edhe pse sot është zyrtarisht ditë pushimi për punonjësit e administratës, protesta studentore do të vijojë sërish para Ministrisë së Arsimit, duke hyrë sot në ditën e shtatë.

Grumbullimi i studentëve të Tiranës do të nisë nga sheshi “Nënë Tereza” dhe më pas do të vazhdojë marshimi drejt Ministrisë së Arsimit, duke ndjekur rrugën e zonës së ish-Bllokut dhe duke shmangur sërish Bulevardin qendror të kryeqytetit, përpara Kryeministrisë.

Studentët e Universiteteve në rrethe ftohen të bashkohen në orën 10:00 para MAS, ku nis dhe zyrtarisht protesta. “Studentë, ata duan të hiqni dorë – bashkohuni nesër më të fortë se kurrë”, thuhet në njoftimin e shpërndarë në rrjetet sociale.

Por, nga ana tjetër kryeministri Rama sot ka ripërsëritur ftesën për dialog, ndërsa i fton studentët që sot në orën 11:00 të zhvillojnë një bashkëbisedim live./ CNA.al





Lajmet e fundit nga