web counter
LEXO PA REKLAMA!

SHKARKO APP

App Store
Google Play

Media e huaj tregon skandalin/ Shqipëria publikon të dhëna të agjentëve sekretë

8 Dhjetor 2018, 16:39, Aktualitet CNA

?The Independent? ka bërë publike një skandal të Shqipërisë që rrezikon sigurinë e vendit dhe atë ndërkombëtare.

Në raportimin e medias së huaj shkruhet se vendi ynë ka bërë publike të dhënat e agjentëve të SHISH.

Sipas ?The Independent? kjo duket të jetë një shkelje e madhe dhe potencialisht të rrezikshme që mund të ketë pasoja ndërkombëtare.

Në artikull shkruhet se të dhënat e pagave dhe shpenzimeve të publikuara në faqen online të Ministrisë së Financave tregojnë të dhëna të hollësishme mbi Shërbimin Informativ Shtetëror, ku përfshihen vendodhjet e zyrave në terren, si dhe teknikët e mekanikët që përdoren.

Po ashtu aty bëhen publike edhe të dhënat e shërbimit diplomatik në Belgjikë, Greqi, Itali, Srebi, Kosovë e Maqedoni.

?Parimisht çdo gjë në lidhje me agjencinë tonë duhet të jetë e fshehur, por duhet të ndjekim të gjitha këto rregulla dhe rregullore?-tha një zyrtar i SHISH. ?Rregullat dhe rregulloret nuk na lejojnë të shpenzojmë paratë pa e raportuar.?

Inteligjenca dhe profesionistët e sigurisë thanë se shkelja mund t?i nxjerrë agjentët në pozita të ndjeshme të cenueshme ndaj mbikëqyrjes apo shantazhit nga organizatat armiqësore të zbulimit ose kriminelët që kërkojnë të depërtojnë në aleancën perëndimore.

Në mbyllje të artikullit, ?The Indipendent? shkruan se SHISH është organizata pasuese e Sigurimit, shërbimi famëkeq i spiunazhit të kohës komuniste, i cili infiltroi çdo aspekt të jetës personale të shqiptarëve gjatë diktaturës për katër dekada e gjysmë.

 





Lajmet e fundit nga