web counter
LEXO PA REKLAMA!

SHKARKO APP

App Store
Google Play

Protesta te Bregu i Lumit/ Tabaku i bën thirrje Veliajt

8 Dhjetor 2018, 16:11, Aktualitet CNA

Nënkryetarja e Komisionit të Ekonomisë njëkohësisht deputete e Partisë Demokratike, Jorida Tabaku, ka qenë sërish sot e pranishme te protesta  e Bregut të Lumit.

Tabaku ka thënë se në Ditën e Rinisë qeveria dhe kryetari i Bashkisë së Tiranës duhet të mbajnë premtimet, të vlerësojnë banesat dhe të nxjerrin një VKM për trajtimin e tyre.

?Sot në Ditën e Rinisë, në ditën symbol të  8 dhjetorit, në ditën symbol të demokracisë, këta njerëz vazhdojnë të protestojnë edhe pas 28 vitesh për një të drejtë themelore që është e drejta e pronës. I bëj thirrje edhe njëherë qeverisë që të vijë të dëgjojë kërkesat e tyre të ligjshme. U bëj thirrje të gjithë atyre deputetëve të Partisë Socialiste që kanë ardhur dhe ju kanë premtuar se do ta vlerësojnë pronën e tyre. I bëj thirrje kryetarit të bashkisë të mos fshihet, port ë vijë të ballafaqohet këtu me premtimet e tij.?-u shpreh ajo.

Deputetja demokrate ka bërë thirrje për fëmijët që ndodheshin në protestë, që të mos i shkatërrojnë më shumë, por t?i lejojnë të shijojnë moshën e tyre.

?Këta fëmijë janë sot pasdite këtu, në këtë ditë të ftohtë dhjetori, ditë e shtunë, ndoshta duhet të ishin duke luajtur si gjithë moshatarët e tyre, por kanë ardhur të protestojnë për shtëpitë e tyre. Ditën e hënë ne do të jemi prapë këtu përsëri në orën 4. I bëjmë thirrje kryetarit të bashkisë që të sjellë përfaqësues, të vazhdojmë procesin e vlerësimit të banesave, të nxjerrim VKM-në, dhe të trajtohen ashtu si 200 familjet e tjera, që janë trajtuar që nga fillimi i Bulevardit.?-tha Tabaku.

Ajo deklaroi se qëndresa do vazhdojë dhe se Partia Demokratike do jetë pranë banorëve deri në fund.

?Këta banorë do të vazhdojnë të protestojnë deri kur prona e tyre të jetë e mbrojtur. Unë ju siguroj mbështetjen time, të kolegëve të mi që janë sot këtu, dhe do jemi me ta, çdo ditë, derisa e drejta e tyre të fitojë.?-mbylli fjalën e saj deputetja e PD-së./CNA.al





Lajmet e fundit nga