web counter
LEXO PA REKLAMA!

SHKARKO APP

App Store
Google Play

Foto/ Studentët nisin marshimin drejt Ministrisë së Arsimit

8 Dhjetor 2018, 09:02, Aktualitet CNA

Studentët po mblidhen sërish sot, për të nisur sërish protestën e tyre. Prej ditësh ata kanë parashtruar disa kërkesa ndaj qeverisë por kjo është dita e katërt që protesta është kthyer në një lëvizje dhe mbahet në të gjitha Universitetet e vendit.

Studentët kanë nisur marshimin nga Politekniku dhe do të shkojnë sërish para MAS, por do të shmangin kalimin në Bulevard, para Kryeministrisë.

Ata kanë kaluar nga pas Presidencës, tek Libri Universitar, në zonën e Bllokut e më pas drejt Ministrisë së Arsimit.

Ndërkohë, studentët kanë deklaruar se e diela do të jetë pushim ashtu si edhe e hëna e nuk do të ketë protesta, ndërsa kanë paralajmëruar të martën, më 11 dhjetor një masivizim të lëvizjes së tyre.

KËRKESA E PLOTË
Drejtuar: Ministrisë së Arsimit dhe Sportit
Ministres së Arsimit dhe Sportit Znj. Lindita Nikolla
Lënda: Kthim përgjigje me shkresë zyrtare
1. Përgjysmim i tarifës së studimi
2. Rritja nga 10% në 50% e peshës totale të votës së studentëve për të zgjedhur kandidatët për dekan/rekor dhe rritja e përfaqësisë së studentëve në senatin akademik me 20%.
3. Mbështetur në nenin 99 mbi Këshillet Studentore, Ligji i Arsimit të Lartë pika 2 kërkojmë që Bordi i Administrimit të IAL-ve të ketë numër të barabartë votash si nga Ministria e Arsimit dhe Sportit dhe IAL-të dhe të shtohet një përfaqësues në këtë bord nga studentët.

4. Mbështetje e studentëve për kërkime shkencore.
5. Mbështetje e studentëve të doktoraturës me fonde për kërkimin shkencor.
6. Përmirësim i kushteve të konvikteve të Universiteteve.
7. Dyfishim i buxhetit për arsimin e lartë.
8. Pajisja e të gjithë studentëve me kartën e Studentit brenda vitit akademik 2018-2019.
Presim përgjigje zyrtare me shkrim deri në orën 14:00. Kërkesa drejtohet nga Këshilla studentor.

  





Lajmet e fundit nga