web counter
LEXO PA REKLAMA!

SHKARKO APP

App Store
Google Play

Vrasja për një karikues/ Prindërit e Marvi Mihalit kërcënojnë me vetëgjyqësi

3 Dhjetor 2018, 12:58, Aktualitet CNA

Ditën e sotme në seancën e zhvilluar ndaj katër personave të akuzuar për vrasjen e të riut Marvi Mihali kanë dhënë dëshminë e tyre në Gjykatë dy prindërit e tij.

Pavli Mihali, babai i Marvi Mihalit ka thënë se e di kush janë vrasësit e të birit.

?Kam fakte që vrasësit e djalit tim janë kontigjent kriminal. Ditën e ngjarjes kam qenë në Sarandë dhe jam njoftuar nga kunati im. Kam parë me qindra dhe mijëra herë videon e vrasjes së djalit tim. Personi që e qelloi është Dejvi Bitraj. Ai e ka qëlluar pasi Eugen Bitraj e ka goditur nga pas dhe rrëzuar në tokë. Dënimi duhet të jetë maksimal.?-deklaroi i ati.

Ndërsa nga ana tjetër nëna e tij, Fatmira Mihali deklaroi se nëse drejtësia nuk jep dënimin e duheur atëherë ata do të bëjnë vetëgjyqësi.

?Dua të sqaroj se nuk do të ketë kurrë gjyq për dëmshpërblim. Nuk ka vlerë që më zëvendëson djalin. Në ngjarje Marvi ka hyre vetëm për të ndarë dy vetë. Eugen Bitraj e tërhoqi nga pas dhe e rrëzoi. Ata ishin përgatitur për te vrarë. Do vrisnin këdo që do u dilte para. Kam besim tek drejtësia dhe sa të kem jetë do luftoj. Askush nuk mund të dalë i palagur nga kjo histori.?- u shpreh nëna e të riut që u vra për një karikues.





Lajmet e fundit nga