E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Vetting dhe për mediat!

17 Dhjetor 2016, 12:20, Aktualitet CNA

Prej disa kohësh fjala Vetting ka pushtuar artikulimin politik dhe mediat në Shqipëri.

Nevoja për transparencë, verifikim dhe skanim të sistemit gjyqësor dhe atij politik ka bërë që shqiptarët ta shohin Vettingun si shpresë për të ardhmen e vendit dhe familjeve të tyre.

Në fakt Vettingu nuk mund të ketë vetëm dy grupime. Drejtësinë dhe politikën, përtej tyre në këtë skanim duhet të përfshihet edhe media.

Për të qenë edhe më i qartë, botuesit dhe biznesmenët pronarë të mediave.

Kjo duhet të bëhet me një hetim, jo vetëm për të zbardhur historitë e tyre korruptive me politikanët apo gjyqtarë e prokurorë, por bërë publike dhe transparente se kush janë ?pronarët? e “fjalës së lirë” që shitet e blihet lirë në Shqipëri.

Duhet një Vetting dhe dekriminalizim i medias për të pasur një frymëmarje dhe liri të vërtetë të saj. Ajo mund ta rifitojë lirinë vetëm nëpërmjet një Vettingu të plotë ndaj botuesve dhe pronarëve.

Për këtë po sjell disa fakte që dihen publikisht. Botues pronarë universitetesh që lobojnë për ligj arsimi. Dje servilë të pushtetit të Berishës, sot pas Ramës. Kostoja miliona euro në buxhetin e shtetit dhe xhepat e shqiptarëve.

Pronarë mediash kthehen në ndertues, ose bëjnë media të mbgrojne pasuritë e tyre kriminale. Pallate pa leje, leje ndërtimi korruptive, legalizime, vjedhje, tendera dhe abuzime. Përfitues privatizimesh me vjedhje ish-pronarësh, apo përfitues liçensash korruptive.

Të denuar si trafikantë droge, abuzues, të veshur me kollaro që sot shpërndajnë tendera në emër të qeverisë.

Këta janë pak shumë pak, ka ish-spiunë sigurimi, kaptera, këndezë, të gjithë botues e pronarë mediash në Shqipëri.

Mediat e tyre përdoren për shumë arsye kriminale. Sulme, pazare apo ndërhyrje në drejtësi. Pra vetë media ka qenë pjesë e kalbëzimit dhe degjenerimit të drejtësisë.

Nga ana tjetër fshehje e të vërtetës në gati 25 vite, për këtë drejtësi dhe politikë të krimbur nga korrupsioni. Media është palë dhe bashkëpunëtore. Me drejtësinë më pak, por me politikën ka bërë gjithçka. Shumë botues e drejtues mediash kanë qenë deputetë, të tjerë blerës e sponsora deputetësh apo gjyqtarësh e prokurorësh të korruptuar më pak se botuesit dhe pronarët e shumicës së mediave.

Media ka vjedhur, abuzuar, kriminalizuar pikërisht me qeverisjen dhe pushtetet duke u vënë për interesa korruptive e kriminale në shërbim të tyre.

Sot është koha edhe për një Vetting mbi mediat dhe botuesit, për të rikthyer të vërtetën dhe fjalën e lirë, misionin e medias. Për të braktisur botuesit e inkriminuar, hajdutë dhe sharlatanë që janë në pazarin e kazanit të pushtetit në çdo kohë./Elvi FUNDO, shkruar për Citynews