E fundit!

22:06 Politikë

“Vetëm një i leshtë mendon që protesta nuk është e manipuluar”/ Spaho: Shqipëria drejt destabilizimit politik

Ish-nënkryetari dhe ish-deputeti i PD-së Edmond Spaho ka f...

Braçe tërhiqet nga të gjitha amandamentet/ Kuvendi miraton Buxhetin 2019

3 Dhjetor 2018, 13:27, Aktualitet CNA

Me 76 vota pro, asnjë kundër, asnjë abstenim, Kuvendi ka miratuar sot Buxhetin e Shtetit për vitin 2019. Ndërkohë opozita sërish nuk ishte pjesë e seancën plenare, ndonëse maxhoranca i bëri thirrje që të jetë e pranishme.

Por, seanca e sotme është shoqëruar me debate të forta mes minisrrit Arben Ahmetaj dhe kreut të Komisionit të Ekonomisë, Erjon Braçe, ku nuk kanë munguar edhe ndërhyrjet nga ana e kryeministrit Rama.

Por në fund, deputeti Braçe, pas shumë replikash e debatesh, është tërhequr nga të gjitha amandamentet.

Nderkohe me 75 vota pro maxhoranca miratoi ne seancen plenare, edhe paketen fiskale per vitin 2019.

Debati më i fortë ishte për fashën e tatimit mbi të ardhurat. Kuvendi rrëzoi propozimin e Erjon Braçes për heqjen e tatimit mbi pagat deri në 40 mijë lekë. Aktualisht për pagat deri në 30 mijë lekë tatimi është zero, ndërsa Braçe kërkoi që fasha të bëhej deri në 40 mijë lekë, por është rrëzuar. Ndërkohë që u rrëzuan edhe amendamentet për heqjen e TVSH-së për të gjithë librashitësit dhe ndërtesat në pronësi të OJF-ve. Një tjetër pikë që ngjalli debat ishte edhe propozimi për rritjen nga 15-30% të taksës për bixhozin të hotelet me 5 Yje, që u rrëzua.

Gjithashtu Ahmetaj rrëzoi edhe propozimin e Braçes për rentën minerare, ndërsa u pranuan propozimet për akcizën dhe tarifat doganore. Referuar propozimit të tarifës doganore, Braçe tha se binte ndesh me MSA-në që të mos ishte më shumë se 5% dhe Ahmetaj e pranoi. Rrëzimet e shumicës së amendamenteve sollën irritimin e Braçes që tërhoqi dy të fundit duke u shprehur me ironi ?jam shumë i lumtur me çfarë tha ministri. I tërheq të gjitha?. Ndërkohë që kryeministri Rama i pranishëm në seancë vlerësoi buxhetin, pasi rrit pagat, zeron taksën mbi imputet bujqësore dhe nxit zhvillimin. Shefi i qeverisë e vlerësoi si të frytshëm debatin brenda shumicës, ndërsa u shpreh se në mungesë të PD dhe LSI po bëjmë edhe opozitën.