Basha kapet mat/ Bie vettingu, nga trafikantët e drogës tek Ekim Alptekin

29 Nëntor 2018, 12:03, Aktualitet CNA

Me fillimin e sesionit të ri parlamentar, opozita ka bojkotuar punimet e Kuvendit, dhe rikthimi i saj kushtëzohet me pranimin nga ana e mazhorancës të propozimit për Vettingun në politikë.

Ishte vetë kreu i PD-së, Lulzim Basha i cili disa kohë më parë, gjatë një takimi të opozitës tha publikisht që një ndër kërkesat e tyre ishte që edhe politikanët ti nënshtroheshin vettingut, njëlloj sikurse edhe gjyqtarët dhe prokurorët, por me një ndryshim, që ti nënshtrohen vetëm kontrollit për lidhje me krimin dhe jo atij pasuror.

Por, në fakt ajo që ka ndodhur është se Lulzim Basha është kapur mat. Ashtu sikurse CNA.al e ka raportuar, ka disa raste që vërtetojnë lidhjet e Lulzim Bashës me persona të inkriminuar.

Rasti më i fundit është zgjedhja e kreut të PD-së së Patosit, për të cilën CNA.al raportoi pak më parë. Shezai Sinanaj, i cili në 30 tetor 2015 u arrestua nga policia për trafik droge, tashmë është zgjehdur nga Lulzim Basha në krye të PD-së së Patosit.

Nga ana tjetër, kujtojmë edhe Dritan Shorajn, i cili u arrestua pak kohë më parë nga policia, pasi rezultonte i dënuar në Itali me 4 vite e 20 ditë burg për trafik droge.

CNA.al ka mësuar se pedagogu Dritan Shoraj ka qënë një nga drejtuesit e lartë, mbështetësit kryesorë dhe bashkëpunëtorët e afërt të Lulzim Bashës.

CNA.al solli fotot ekskluzive, ku tregohet se Shoraj ka qenë i pranishëm në shumë takime të rëndësishme politike të Bashës, ka qenë përgjegjës për numëruesit gjatë zgjedhjeve tek shkolla ?Vasil Shanto?, ka qenë i deleguari dhe i besuari i Bashës.

Shoraj ka drejtuar përfaqësuesit e PD-së në grupet e emërimit në zgjedhjet e vitit 2017. Pra si anëtar i kryesisë së degës nr.5 dhe një nga drejtuesit e lartë të personal të Lulzim Bashës.

Por, këto nuk janë lidhjet e vetme të Lulzim Bashës me krimin. CNA.al ka raportuar më parë edhe për lidhjet e Lulzim Bashës me Lev Aslan, një biznesmen i cili u arrestua nga FBI në fillim të muajit shtator pasi akuzohet për mospagim taksash, evasion fiskal, mashtrim financiar dhe pastrim parash. Arrestimi i tij u bë në momentin që Aslan po tentonte të arratisej drejt Turqisë.

Lev Aslan ose Levon Termendzhyan është një nga biznesmenët e lidhur dhe partnerë në biznes me Ekim Alptekin. Ky i fundit është drejtues i Këshillit të biznesit Turqi-SHBA, dhe miku i Lulzim Bashës. Basha miqësinë dhe afërsinë familjare me Alptekin e ka pranuar live në emisionin Opinion në Tv Klan, gati një vit më parë.

Po ashtu në sollëm edhe foto, ku Ekim Alptekim është duke u martuar dhe ?kurorën apo bekimin? ia jep Lulzim Basha.

Janë të gjitha këto raste që tregojnë sesa seriozisht e ka Basha propozimin e tij për Vettingun në politikë, që në fakt duket më shumë si shashka e radhës e tij. Të gjitha këto janë vetëm 3 raste të provuata dhe pranuara nga vetë Basha me heshtjen e tij./ CNA.al

Foto ekskluzive – U arrestua me 13 kg drogë, zgjidhet në krye të PD-së

Video-?Doni luftë, luftë do keni?/ Pamjet e pedagogut trafikant droge në krah të Bashës

Fotot ekskluzive/ Kush është pedagogu i arrestuar, që Basha e bëri drejtues të lartë në PD

Ekskluzive-Krimi i organizuar ndërkombëtar dhe lidhjet e Bashës/ FBI i arreston miqtë

Lulzim Bashës po i shtrëngohet laku nga FBI