E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Ekskluzive/ Çfarë do të ndodhë me bojkotin e opozitës

25 Nëntor 2018, 15:19, Aktualitet CNA

Aletatët e Bashës shprehen mbeten të ndarë përsa i përket vendimit për t?u rikthyer në parlament apo për të vazhduar bojkotin, deri në një vendim ekstrem siç është djegia e mandateve.

Sot një zë kundër bojkotit ka qenë Fatmir Mediu, ai ka kontestuar vazhdimin e bojkotit nga PD, cka tregon se Mediu del hapur kundër Lulzim Bashës

Në një prononcim për CNA.al, kreu i Partisë Republikane është shprehur kundër djegies së madateve, duke theksuar parlamentarizmin si mënyrën më të mirë të luftës kundër qeverisë.

I pyetur nëse opozita do të djegë mandatet, Mediu tha se nuk ka një vendim final, por sipas tij vendi i opozitës është në parlament.

?Nuk kemi vendosur ende as njëren as tjetrin, por Parlamenti nuk është i Edi Ramës dhe opozita nuk ka pse të djegë mandatet.

Parlamenti duhet të jetë funksional. Detyra e opozitës është të grejë zërin kundër kësaj qeverie dhe këtë ku mund ta bëjë më mirë se në parlament. Por pavarësisht kësaj protestat nuk duhet të ndalen kundër kësaj qeverie?.-tha Mediu në një prononcim për CNA.al.

Ndërsa kreu i Lëvizjes për Zhvillim Kombëtar, deputeti Dashamir Shehi, tha për CNA.al se do të ishte qesharake nëse bojkoti ndërpritet tani, ndërkohë që ende nuk është arritur asnjë nga kërkesat e opozitës, për të cilat dhe filloi ky aksion.

?Bojkoti sigurisht që do vijojë, deri në një vendim final. Është qesharake të kthehemi tani, kur u bë gjithë ky investim. Bojkoti është situatë e jashtëzakonshme dhe s?ka ndodhur asgjë që të na rikthejë në parlament. Nuk është plotësuar asnjë kërkesë e opozitës, as ligji për dekriminalizimin, historia për Vettingun e politikës, nuk ka asnjë moti për të ndërprerë bojkotin.

Mund të djegim edhe mandatet nëse kjo masë ekstreme do tja vlente që të bëhen zgjedhje me një situatë pa prezencë të krimit në zgjedhje edhe kjo do të bëhet.?-tha Shehi.

Por, më tej ai theksoi se nëse Rama pranon Vettingun në politikë, opozita mund të rikthehet në parlament.

Do të mblidhemi dhe do të gjykojmë në mënyrë të përbashkët. Duke përfshirë edhe vendime ekstreme si djegia e mandateve. Aksioni ynhë do jetë denoncim i kësaj që po ndodh, e cila duket në dritë të diellit. Protestë si dhe ofrimi i një alternative politike, si ajo për buxhetin, si ajo për zgjedhjet dhe ajo për ekonominë, do vazhdojmë të protestojmë dhe denoncojmë do bëjmë punën e opozitarëve. Por nëse Rama e pranon kërkesën e opozitës për Vettingun në politikë, edhe mund të kthehemi në parlament. Gjithcka do të vendoset në mënyrë të përbashkët?-u shpreh deputeti Shehi.

Gjithashtu ai paralajmëroi se lufta do të jetë e gjatë dhe sipas tij bojkoti është vetëm fillimi ?Bojkoti është vetëm fillimi i një lufte, e cila do të jetë e gjatë shumë, për të vendosur kontrollin kundër krimit dhe për të vendosur vendin në shina kushtetuese. Do ketë shumë e shumë ndodhi të tjera që do ta sfumojnë dramaticitetin e bojkotit. Rruga është e gjatë por formë tjetër nuk ka për të rregulluar Shqipërinë.?-deklaroi Dashamir Shehi.

Ndërsa kreu i PAA-së, Agron Duka është shprehur se në gjykimin e tij djegia e mandateve nuk është një zgjidhje edhe nëse do te ishte zbatuar në këtë moment do të ishte e vonuar pasi Opozita pranoi këtë Parlament te deformuar kur hyri në të në vitin 2017.

?Nëse digjen mandatet nuk është e thënë se vendi do të shkojë në zgjedhje të parakohshme, por edhe nëse shkon, nuk kemi zgjidhur asnjë nga problemet që kemi denoncuar prej vitesh. Sot detyra e Opozitës është të mos lejojë deformimin e zgjedhjeve të ardhshme. Duhet punuar brenda institucioneve për të konkretizuar Reformën Zgjedhore, e cila është edhe një kërkesë e ndërkombëtarëve në funksion të çeljes së negociatave?, ? tha ai më tej për CNA.al.

Gjithashtu kreu i kreu i Partisë Agrare Ambientaliste ka treguar se cili do të jetë aksioni i opozitës në vijim. ?Bojkoti nuk është zgjidhja më e mirë, por mbetet një mjet demokratik në pritje të konkluzioneve të Komisionit të Venecias mbi propozimin e opozitës për ?Vettingun në politikë?. Ky propozim i opozitës mund të kthehet në aksion vetëm brenda Parlamentit?, ? ka vazhduar ai.

Ndër të tjera Duka ka nënvizuar ?Opozita po investohet në luftën kundër lidhjes së politikës dhe krimit, dhe kjo do të jetë edhe kryefjala e muajve në vijim. Dhjetori do të jetë një muaj i ngarkuar politikisht, gjatë të cilit opinioni publik do të njihet me strategjinë përfundimtare të Opozitës, jo vetëm për vijimin e aksionit kundër lidhjeve të politikës me krimin, por edhe për zgjedhjet e ardhshme vendore?./ CNA.al

Djegia e mandateve/ Mediu kundër bojkotit

Bojkoti opozitës/ Shehi kundër Mediut

Mungesa në Parlament/ Duka kundër djegies së mandateve