E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Ekskluzive zbulohen detajet e negociatave/ Basha pazare në fshehtësi me Ramën

25 Nëntor 2018, 12:38, Aktualitet CNA

Kryetari i Republikës të Re, Lulzim Basha përtej protestave të banorëve në zonën e ‘Unazës së Madhe’ dhe deklaratave për shtyp me gjuhë të ashpër vazhdon marrëveshjet dhe negociatat me kryeministrin Edi Rama.

Një fakt është zbuluar dy ditë më parë nga vetë kryeministri pas propozimit të tij të tre emrave për Bankën e Shqipërisë ku binte në sy emir i ish-Ministrit të Financave Ridvan Bode dhe një përfaqësuese të LSI, në tre emrat e Ramës.

Por përtej një diversioni politik apo një bllofi nga kryeministri CNA.al ka mësuar se PD zyrtarisht është në negociatat më qeverinë për Bankën e Shqipërisë, Zgjedhjet dhe KLSH-në.

Në rastin e bankës së Shqipërisë negociatat me socialistët i drejton Jorida Tabaku e cila ka kërkuar 2 vende në Bord. Mazhoranca duket se ka pranuar kërkesën e Lulzim Bashës që shkonte nga Tabaku. Një emër do jepet nga parlamenti që me shumë gjasa është Florion Mima. Kalimi i tij në bordin e Bankës i zgjidhte edhe një problem tjetër Lulzim Bashës, futjen e Agron Dukës në parlament. Mazhoranca duket qartë se ka pranuar atë që ka kërkuar opozita duke i dhënë dy kandidatë PD dhe një LSI, ndërsa 3 vendet e tjera janë propozuar prej vetë socialistëve. Prandaj nuk duket të ketë habi nga Lulzim Basha në lidhje me këto përzgjedhje.

Negociatat e dyta që Lulzim Basha vazhdon me Edi Ramën, kanë të bëjnë me reformën zgjedhore. Përtej qëndrimeve publike Oerd Bylykbashi është njeriu që negocion me socialistët. Burime zyrtare i thanë CNA.al se shumë detaje janë mbyllur në parim dhe duket se pjesa delikate tashmë ka ngelur në duart e ekspertëve teknikë.

KLSH-ja është një pikë tjetër ku ka negociata. Mësohet se për Vitore Tushën e propozuar nga presidenti Meta, ka dhenë pëlqimin e tij paraprakisht edhe Lulzim Basha I cili e ka takuar këtë të fundit në Gjirin e Lalzit disa javë më parë në praninë e miqve të përbashkët.

Lulzim Basha duket se e gjen gjuhën e bashkëpunimit me kryeministrin dhe në çdo rast marrëveshjet janë gati, por për Lulin duhet më shumë tension për të shkuar më I fortë drejt kuvendit dhe për të rritur pazarin pak më shumë./ CNA.al