web counter
LEXO PA REKLAMA!

SHKARKO APP

App Store
Google Play

E fundit!

x

Rama dhe Basha kanë bërë ‘krimin’ më të madh në Shqipëri

25 Nëntor 2018, 11:50, Aktualitet CNA

79% e të rinjve shqiptarë prej moshës 15 deri 29 vjeç duan të largohen përgjithmonë nga vendi.

Kjo e dhënë u publikua, pak kohë më parë nga një studim i Gallup. Të rinjtë shqiptar çdo ditë e më shumë, po largohen nga Shqipëria.

Aq sa largimi i tyre ka nisur t?i ngjasojë eksodit të viteve 90?. Të pashpresë, me paga minimale me të cilat mezi sa mbyllin muajin, me një sistem drejtësie të dështuar, të rinjtë shqiptar shikojnë si zgjidhje ikjen

Zyra e BE në Tiranë, është shprehur në gjysmën e parë të vitit 2018 janë kryer 9.511 aplikime të tilla për t?u larguar nga Shqipëria dhe shumica kanë qenë të rinj.

Sipas tyre janë pikërisht faktorët social-ekonomikë që qëndrojnë pas migracionit të parregullt.

Por të rinjtë shqiptarë kanë humbur besimin edhe tek politika shqiptare, madje zgjedhin të ikin sepse të luftosh me sistemin e kalbur të kësaj të fundit është njësoj si të luftosh me mullinjtë e erës.

Shifrat e të rinjve, që largohen janë shtuar shumë gjatë këtyre katër viteve të fundit, ku në mazhorancë është Rama dhe në opozitë Basha. Kjo tregon se të rinjtë e kanë humbur besimin dhe shpresën.

Vetëm pak ditë më parë një student i tha Bashës, duke e pasur përballë se për faj të politikanëve si ai të rinjtë po largohen nga vendi.

E me ndryshimin e ligjeve të punës Gjermania është shndërruar në tokën e premtuar për të rinjtë shqiptar, ashtu siç ishte Amerika gjatë luftës së Parë dhe të Dytë Botërore për hebrenjtë.

Ndaj me plot gojën mund të thuhet se Rama dhe Basha kanë bërë krimin më të madh, sepse politikat e tyre po largojnë rininë, po largojnë trurin e vendit, të ardhmen e tij duke e mbajtur tokë e djegur për interesat e tyre/ CNA.al





Lajmet e fundit nga