E fundit!

19:02 Aktualitet

"Na e kaluan njëherë topin për shalësh"/ Rama nuk tërhiqet për investimin në Zvërnec

Kryeministri Edi Rama ndodhet në Malin e Zi, ku ka ndarë p...

Dhuna ndaj grave dhe vajzave/ Manastirliu: Gjeni forcën të denonconi

25 Nëntor 2018, 10:49, Aktualitet CNA

Ministria e Shëndetësisë dhe Mbrojtjes Sociale u ndriçua portokalli në ditën ndërkombëtare kundër dhunës, duke çelur fushatën e 16 ditëve të aktivizimit kundër dhunës me bazë gjinore.

?Sot një grua që denoncon dhunën është shumë më e mbrojtur sepse me ndryshimet ligjore që miratuam në Kuvend, garantojnë urdhrin e menjëhershëm të mbrojtjes për gratë viktima të dhunës në 24 orët e para të denoncimit?, tha Ministrja Manastirliu.

Duke vënë theksin te rëndësia e parandalimit të dhunës, Manastirliu tha se duhet të bëhemi të gjithë bashkë për mbështetjen e vajzave dhe grave, në luftë me stigmën dhe mohimin ndaj fenomenit.

?Gratë nuk lindin gra, ato lindin vajza ndaj që në vogëli duhet të punojmë për edukimin e tyre sepse arsimimi por edhe fuqizimi ekonomik I gruas janë elemente thelbësore për të reduktuar këtë fenomen, që për fat të keq, është ende i përhapur në shoqërinë tonë?, tha Manastirliu.

Në ditën ndërkombëtare kundër dhunës, Manastirliu theksoi se duhet shpejtuar ngritja e mekanizmit të referimit të dhunës në familje në çdo Bashki, si përgjigje e menjëherëshme ndaj rasteve të dhunës në çdo komunitet, sa më afër viktimave të dhunës.

Duke theksuar rëndësinë e përfshirjes edhe të burrave në betejën me dhunën, Ministrja bëri një apel për gratë dhe vajzat: ?Çdo grua që përballet me dhunën duhet të gjejë forcën të denoncojë sepse ne do të dëgjojmë dhe mbështesim secilën prej tyre, në çdo kohë.

Në çeljen e fushatës kundër dhunës me bazë gjinore, merrnin pjesë edhe përfaqësues të lartë të organizatave ndërkombëtare, z. Giuseppe Belsito, drejtor i UN Women në Shqipëri, z. Brian William, përfaqësues i OKB për Shqipërinë si dhe aktivistë e përfaqësues të shoqërisë civile.
Vetëm gjatë 10 muajve të këtij viti, janë denoncuar 4182 raste dhune, nga të cilat janë bërë mbi 2500 kërkesë-padi. Një në 3 gra në Shqipëri raporton të jetë përballur të paktën 1 herë me dhunën.