web counter
LEXO PA REKLAMA!

SHKARKO APP

App Store
Google Play

E fundit!

x

Protesta para Gjykatës/ Deputetët e opozitës përplasen me policinë

25 Nëntor 2018, 11:10, Aktualitet CNA

Në Gjykatën e Tiranës ka filluar seanca për caktimin e masës së sigurisë për 11 protestuesit e arrestuar pas protestës së ndodhur përpara Kuvendit.

Deputetët e PD-së dhe LSI-së kanë debatuar me policinë, pasi kanë tentuar të hyjnë në Gjykatë.

Fillimisht ata nuk janë lejuar, por  më pas ata kanë mundur të hyjnë në seancën për masën e sigurisë.

Deputetët e opozitës për të cilët bëhet fjalë janë Aldo Bumçi, Edi Paloka, Ervin Salianji, Klajda Gjosha, Kejdi Mehmetaj, Endrit Braimllari dhe Silva Caka.

Ndërkohë nga ana tjetër prokuroria ka kërkuar arrest me burg për 6 nga 11 të arrestuarit: Fluturim Goleci, Amarildo Sinanaj, Marsel Velillari, Dorjan Protoduari, Ruzhdi Daci si dhe për Shpati Bilbilajn. Ndërsa për 5 të tjerë: Erald Muçaj, Ali Nalic, Alban e Paolo Ahmetcenaj dhe Lulzim Dozhlanin prokuroria ka kërkuar detyrim paraqitje.

Ata akuzohen për ?Mbajtje pa leje dhe prodhimi i armëve shpërthyese dhe i municionit?, Kundërshtimi i punonjësit të policisë së rendit publik?, ?Organizimi dhe pjesëmarrja në grumbullime dhe manifestime të paligjshme, por edhe për prishjen e qetësisë publike e kryer në bashkëpunim.

Nga përplasja e së enjtes së kaluar para godinës së Parlamentit mbetën të lënduar 15 efektivë të policisë, mes tyre edhe efektivja 24-vjeçare, Ina Nuka, e cila humbi dy gishtat e dorës pas shpërthimit të kapsollave të hedhur nga protestuesit.

Ndërkohë jashtë Gjykatës ndodhen  familjarët e personave të arrestuar, banorë të Unazës së Re kërkojnë lirimin e tyre duke hedhur akuza ndaj kryeministrit./ CNA.al





Lajmet e fundit nga