web counter
LEXO PA REKLAMA!

SHKARKO APP

App Store
Google Play

Mungesa në Parlament/ Duka kundër djegies së mandateve

25 Nëntor 2018, 14:24, Aktualitet CNA

Kreu i Partisë Agrare Ambientaliste, Agron Duka në një prononcim për CNA.al ka folur nëse opozita do t?i djegë mandatet apo nëse do të zgjedh rrugën tjetër, atë të kthimit në Parlament.

Duka është shprehur se në gjykimin e tij djegia e mandateve nuk është një zgjidhje edhe nëse do te ishte zbatuar në këtë moment do të ishte e vonuar pasi Opozita pranoi këtë Parlament te deformuar kur hyri në të në vitin 2017.

?Nëse digjen mandatet nuk është e thënë se vendi do të shkojë në zgjedhje të parakohshme, por edhe nëse shkon, nuk kemi zgjidhur asnjë nga problemet që kemi denoncuar prej vitesh. Sot detyra e Opozitës është të mos lejojë deformimin e zgjedhjeve të ardhshme. Duhet punuar brenda institucioneve për të konkretizuar Reformën Zgjedhore, e cila është edhe një kërkesë e ndërkombëtarëve në funksion të çeljes së negociatave?, – tha ai më tej për CNA.al.

Gjithashtu kreu i kreu i Partisë Agrare Ambientaliste ka treguar se cili do të jetë aksioni i opozitës në vijim. ?Bojkoti nuk është zgjidhja më e mirë, por mbetet një mjet demokratik në pritje të konkluzioneve të Komisionit të Venecias mbi propozimin e opozitës për ?Vettingun në politikë?. Ky propozim i opozitës mund të kthehet në aksion vetëm brenda Parlamentit?, – ka vazhduar ai.

Ndër të tjera Duka ka nënvizuar ?Opozita po investohet në luftën kundër lidhjes së politikës dhe krimit, dhe kjo do të jetë edhe kryefjala e muajve në vijim. Dhjetori do të jetë një muaj i ngarkuar politikisht, gjatë të cilit opinioni publik do të njihet me strategjinë përfundimtare të Opozitës, jo vetëm për vijimin e aksionit kundër lidhjeve të politikës me krimin, por edhe për zgjedhjet e ardhshme vendore?./ CNA.al





Lajmet e fundit nga