web counter
LEXO PA REKLAMA!

SHKARKO APP

App Store
Google Play

Vidhnin makina/ Në pranga dy persona

15 Nëntor 2018, 08:44, Aktualitet CNA

Dy persona janë arrestuar, pasi mbi ta rëndojnë akuzat për vjedhje të automjeteve.

Mes një njoftimi policia bën me dije se të arrestuarit janë Gentjan Ahmetsulaj, 39 vjeç, banues në Burrel, Bashkia Mat, i dënuar disa herë për vjedhje dhe Jurgen Balliu, 23 vjeç, banues në fshatin Sopot, Bulqizë.

?Në bazë të informacioneve të marra në rrugë operative, nga shërbimet e Komisariatit të Policisë Mat në bashkëpunim me shërbimet e Komisariatit nr. 3 Tiranë, u bë e mundur që të kapet dhe ndalohet shtetasi i shpallur në kërkim :

Gentjan Ahmetsulaj, 39 vjeç, banues në Burrel, Bashkia Mat, i dënuar disa herë për vjedhje. Kapja dhe ndalimi i tij u bë pasi dyshohet së në bashkëpunim me dy shtetas të tjerë të arrestuar para 2 javësh, funksiononin si grup duke kryer aktivitet kriminal në fushën e vjedhjeve të automjeteve në qytetin e Tiranës, dhe më pas i sillnin në qytetin e Burrelit.

Si rezultat i një pune hetimore të pandërprerë, u arrit të kapet dhe ndalohet shtetasi G.Ahmetsulaj, i cili iu dorëzua shërbimeve të Policisë Tiranë për hetime të mëtejshme? ? shkruhet në njoftimin e policisë.

Gjithashtu mësohet se janë sekuestruar dy automjete tip ?Benz Autoveturë?, të dyshuara të vjedhura në Tiranë./ CNA.al





Lajmet e fundit nga