E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Mustafa Nano propozoi Ben Blushin për kryetar Bashkie/ Përgjigja epike e Ramës

15 Nëntor 2018, 10:28, Aktualitet CNA

Në librin e tij, ?Provocateur? analisti Mustafa Nano ndër të tjera rrëfen edhe një bisedë të zhvilluar kohë më parë me kryeministrin Rama, kur ky i fundit kandidonte për herë të katërt për të drejtuar Bashkinë e Tiranës.

Nano shkruan se ka dy arsye se pse Rama nuk duhej të kandidonte, e para është për faktin se në atë kohë ishte kryetar i Partisë Socialiste, dhe në mendjen e njerëzve ishte kandidati për kryeministër dhe së dyti, kandidimi për herë të katërt ishte një teprim në vetvete.

Nano thekson se në një bisedë me Ramën, ky i fundit i ka rrëfyer se ?nuk kam asnjë kandidat tjetër të përshtatshëm përveç vetes? nuk e nxirrte në një dritë të mire dhe ndërkohë i ka kërkuar t?i thotë një emër tjetër.

?Rama po këmbëngulte, duke u argëtuar shumë me pafuqinë time për të gjetur qoftë edhe një emër, por ndërkohë mua po më vinin ca ide. Fillova dhe unë të luaja: ?Edhe sikur të të jepja ndonjë emër, ti nuk do ta vije?. ?Thuaje një emër?, ia bënte ai.

?Do një emër ti? Ok, më erdhi një emër. Ben Blushi?, i thashë. Rama as nuk mori kohën e nevojshme për ta përpunuar këtë mendim. Kam përshtypjen që as emrin e kandidatit tim nuk munda ta thosha të plotë. Më mbeti sh-ja në gojë: Blushshsh ?

?Atë kurrë?, tha Rama. ?Epo ti nuk do kandidatë; ti do beniaminë të tutë?. ?Jo, nuk është e vërtetë?, u mbrojt ai. Ky ishte momenti që unë të vijoja lojën: ?Do emra të tjerë? Ja, po të jap unë një emër fitues. Do ishte edhe gjetje e mirë për ty, pasi me këtë do shfaqje vullnetin tënd për të ftuar në skenë edhe të tjerë, siç bëri Fatos Nano me ty?. ?Hë?, nuk po i pritej Ramës.?-shkruan ndër të tjera Mustafa Nano./CNA.al