Mesazhi i fortë për Krimet e Rënda/ Kërkohet arrestimi i Vangjush Dakos

15 Nëntor 2018, 12:35, Aktualitet CNA

Partia Demokratike vijon të hedhë akuza të forta në drejtim të kryebashkiakut të Durrësit, Vangjush Dako.

Në një deklaratë për mediat, deputeti i PD, Endri Hasa është shprehur se kalimi i ditëve dhe mbulimi i tyre me heshtje dhe me censurë mediatike nuk i zvogëlon përmasat e skandalit dhe krimit elektoral, ku është përfshirë Vangjush Dako.

Hasa tha se në ?Dosjen 339? ndodhen qindra faqe me përgjime që, sipas tij vërtetojnë përdorimin prej organizatës kriminale ?Rilindja? të bandës së Avdylajve në Durrës e Shijak për blerjen e votave, në këmbim të favoreve shtetërore.

?Vetë kreu i bandës Astrit Avdylaj, i arrestuar për trafik ndërkombëtar droge, shpalli ortakërinë mafioze, kur pranoi publikisht se ?I zgjidhte hallet me Vangjush Dakon dhe Partinë Socialiste?-u shpreh Hasa.

Më tej deputeti demokrat i drejtoi edhe një mesazh të fortë Prokurorisë për Krimet e Rënda, ndërsa theksoi se Vangjush Dako duhej të ishte arrestuar.

?Prokuroria e Krimeve të Rënda duhet ta kishte arrestuar brenda ditës uzurpatorin e bashkisë së Durrësit, jo vetëm prej dëshmisë publike të Avdylajt, por edhe për shkak se lënia e Dakos në krye të bashkisë së Durrësit, shton mundësitë e prishjes së provave, si dhe të intimidimit të dëshmitarëve.

Është e provuar prej përgjimeve zyrtare se Kryebashkiaku i Durrësit ka pasur komunikim me bandën e Avdylajve shumë kohë para zgjedhjeve.?-deklaroi ndër të tjera deputeti Hasa.

Gjithashtu, ai u shpreh se biseda e shkurtit 2017 me Altin Avdylaj, me nofkën Niçja, të cilit i premton një favor, provon akuzat ndaj Dakos.

?Kryetari i Bashkisë së Durrësit, pasi ka blerë vota, bashkë me trafikantët ndërkombëtarë të drogës, komunikon sërish me Niçen për të falenderuar kreun e bandës, Astrit Avdylaj, dy ditë pas zgjedhjeve.

Nga përgjimet, shqiptarët kanë parë sesi banda e Avdylajve, një pjesë e të cilës është në burg për trafik ndërkombëtar droge, i kërkon Dakos të ndërhyjë për të larguar forcat speciale.

Faktet e krimit elektoral të Vangjush Dakos janë të qarta dhe për këtë krim ai duhet të jetë në burg!?-u shpreh deputeti i PD, Endri Hasa.