web counter
LEXO PA REKLAMA!

SHKARKO APP

App Store
Google Play

Tabaku denoncon skandalin/ Shqipëria jepet me konçesion 

5 Nëntor 2018, 12:01, Aktualitet CNA

Nënkryetarja e Komisionit të Ekonomisë, Jorida Tabaku ka denoncuar sot buxhetin 2019, i cili sipas saj nuk parashikon zhvillim, por lëmoshë.

Në një dalje për mediat, deputetja demokrate tha se qeveria ka dështuar që taksat e shqiptarëve ti kthejë në zhvillim. Sipas Tabakut, buxheti i 2019 nuk parashikon më shumë të ardhura në xhepat e shqiptarëve.

?Buxheti i 2019 nuk parashikon më shumë të ardhura në xhepat e shqiptarëve. Bizneset shqiptare paguajnë taksat më të larta në raport me të ardhurat që kanë. Për të gjashtin vit radhazi kjo qeveri nuk ka bërë asnjë politikë lehtësuese fikale për biznesin. Futja e biznesit të vogël në skemën e TVSH-së rezultoi fatale në rritjen e informalitetit. Kjo qeveri nuk ka zhvilluar asnjë politikë pro biznesit, por fokuson të gjitha energjitë për të zhdukur konkurencën dhe për të zhvilluar monopole. Nuk është hapur asnjë vend i ri pune, por mbyllje vendesh pune?-tha ndër të tjera Tabaku.

Ndërsa më tej, ajo theksoi se buxheti i 2019 është buxheti që ul të ardhurat e shqiptarëve, ndërsa parashikon një shifër rekord për koncesionet.

?Buxheti 2019 ul të ardhurat për shqiptarët e varfër, por nga ana tjetër parashikon një shifër rekord për koncesione, prej 100 milion euro.?-u shpreh Tabaku.

Po ashtu ajo vuri thekson edhe në lidhje me investimet për arsimin dhe bujqësinë, për të cilat tha se janë akorduar shifra qesharake.

?Nuk është parashikuar asnjë investim në arsim, por rezulton se do të mbyllen 138 shkolla. Investimet në bujqësi janë në ndihmë të atij që do të marrë koncesionin e radhës. Buxheti 2019 është i pamëshirshëm me të varfërit?-deklaroi deputetja Jorida Tabaku./ CNA.al





Lajmet e fundit nga