E fundit!

20:38 Aktualitet

Përballë Nokës për postin e Sekretarit të Përgjithshëm të PD-së/ Korreshi: Ja kur e mora vendimin për të garuar

Deputeti Saimir Korreshi është vendosur përballë Flamur No...

Drejtimi i Punëve të Brendshme/ Xhafaj bën bilancet në fjalimin e ‘lamtumirës’

5 Nëntor 2018, 17:54, Aktualitet CNA

Ministri i dorëhequr Fatmir Xhafaj gjatë fjalimit të lamtumirës me drejtues të Ministrisë së Brendshme dhe Policisë së Shtetit, ka bërë bilancet e punës së tij në krye të Punëve të Brendshme.

?Është rasti të sjell në kujtesë faktin se, në korrik të vitit të kaluar para marrjes së detyrës prej meje si ministër, vendi ishte nën presionin e shprehur të kthimit të regjimit të vizave për shkak të rritjes së jashtëzakonshme të numrit të azilantëve në Francë, Holandë, Belgjikë, etj.

Kjo u shndërrua në një prioritet kyç të punës sonë edhe në kuadrin e plotësimit të kushteve të procesit të integrimit, por edhe si një test i rëndësishëm ndërkombëtar. Me një punë të mirë organizuar, ne mundëm që brenda 12 muajve t?i kthejmë shifrat e azil kërkimit nga një histori dështimi në një histori suksesi.

Një histori suksesi që nga vetë Franca skeptike deri para pak kohësh, sot kjo histori suksesi po kërkohet të prezantohet si një model në Evropë? ? ka thënë Xhafaj.

Më tej ministri i dorëhequr ka theksuar operacioni ?Forca e Ligjit? është tashmë një qasje e certifikuar e vullnetit real dhe organizimit efikas në luftën kundër krimit të organizuar.

?Një projekt ambicioz, i mirë menduar dhe mirë organizuar, i vlerësuar e mbështetur gjerësisht edhe për këtë shkak edhe nga partnerët tanë ndërkombëtarë, gjë që e kanë konfirmuar në disa qëndrime publike edhe këtu në Tiranë. Në vetëm 11 muaj ngritëm strukturat e bashkëpunimit ndërinstitucional dhe bashkëveprimit operacional, TFSQ e TFSR me policët më të përzgjedhur nga radhët e Policisë së Shtetit, si dhe përfaqësues të agjencive kryesore ligj zbatuese në vend?, – ka nënvizuar Xhafaj./ CNA.al