web counter
LEXO PA REKLAMA!

SHKARKO APP

App Store
Google Play

E fundit!

x

Pjesë e dosjeve të ish-sigurimit të shtetit?/ Zbardhet e vërteta mbi figurën e Sandër Lleshajt

4 Nëntor 2018, 08:23, Aktualitet CNA

Sipas autoritetit të Hapjes së Dosjeve të ish Sigurimit të Shtetit kandidatura e Sandër Lleshajt për kreun e Ministrisë së Brendshme ka rezultuar e pastër. Kjo referuar shkresave që kanë mbërritur në institucionin e Presidentit të Republikës.

?Nga dokumentet e administruar nga ana jonë, si dhe nga verifikimet për z.Sandër Lleshaj, kandidati i propozuar nga Kryeministri për punën e Ministrit të Brendshëm, nuk figuron të këto material në dokumenet të ish-Sigurimit të Shtetit?, thekson dokumenti i firmosur nga Gentiana Sulaj.

Po ashtu, Institucioni i Presidentit ka marrë përgjigje edhe nga Agjencia e Inteligjencës dhe Sigurisë së Mbrojtjes, siç njihet ndryshe Shërbimi Informativ i Ushtrisë.

Në dokument theksohet se nga verifikimet për Sandër Lleshajn, nuk ka të dhëna për përfshirjen e tij në veprimtari që cënojnë sigurinë kombëtare, apo të ketë marrë pjesë në aktivitet të kundraligjshme.

Por shkak i mosdekretimit të tij është një mbetje qejfi nga ana e Metës, pasi Lleshaj nuk i kishte plotësuar një dëshirë. Atë të takimit në fshehtësi, jo zyrtar.

Citohet se Lleshaj nuk e ka pranuar këtë ftyesë, pasi sipas tij ai nuk ishte askushi të takohej me Presidentitn e Republikës, aq më tepër në mënyrë jozyrtare.

Pas kësaj, Meta i çoi ftesë formale për takim zyrtar, dhe i ka shprehur mërzitjen e tij pse nuk ka pranuar të takohet në rrugë informale, duke e konsideruar këtë mungesë besimi. Refuzimi i ftesës për takim të fshehtë, ka bërë që ai të mos ketë besim tek Lleshaj.

Kjo mërzitje e Metës çoi në mosdekretimin e gjeneralit Sandër Lleshi. Por burime për CNA.al ditën e djeshme bënë me dije se Lleshi do të emërohej zëvendës ministër i Ministrisë së Brendshme dhe prej aty do ta drejtoj këtë dikaster./ CNA.al





Lajmet e fundit nga