web counter
LEXO PA REKLAMA!

SHKARKO APP

App Store
Google Play

E fundit!

x

Shënim/ Po ra Lleshi bie Rama

3 Nëntor 2018, 20:02, Aktualitet CNA

Ilir Meta sot nuk dekretoi të propozuarin e Edi Ramës për Ministër të Brendshëm. Përtej qëndrimit zyrtar me një fjali se “Presidenti i Republikës, Sh.T.Z Ilir Meta nuk ka krijuar bindjen e plotë për t’i dhënë besimin kandidaturës së Z.Sandër Lleshaj si ministër i Brendshëm” , ekziston një skenar i qartë pazari nga ana e Ilir Metës.

Gjithçka fillon me SHISH, shkon tek KLSH, tek Banka e Shqipërisë dhe tek garancia që Ilir Meta do për kokën e tij.

Në fakt veprimi i Presidentit është një ?grusht shteti? jo me armë e ushtri, por institucional, pasi Meta nuk ka të drejtë të refuzojë dekretimin. Këtë e ka bërë të qartë ish-Presidenti Bujar Nishani një vit më parë, atëherë kur kishim edhe Gjykatë Kushtetuese, që sot mungon dhe Ilir Meta e përdor vakumin institucional për interesa personale.

Por rrëzimi i Sandër Lleshit në fakt rrëzon Edi Ramën. Ilir Meta e di mjaft mirë kaosin që krijon dhe vetë Kryeministri e shprehu shqetësimin e tij për krizën politike ku po futet vendi. Rama menjëherë çoi mesazh tek deputetët e tij duke theksuar ?Ne jemi shumica dhe i dalim zot vendit dhe Kushtetutës. Politika është shah mos e harroni?,- shkrunte Rama.

Kreu i Qeverisë e di mjaft mirë lojën, presionin dhe pazaret e Metës i njeh si askush tjetër, kanë bërë beteja bashkë kundër Nanos, kundër Berishës, kundër njëri-tjetrit, kundër Bashës, tani sërish po përplasen bashkë.

Rrëzimi i Lleshit në fakt është rëzimi i Ramës, por jo nga Parlamenti siç ndodhi me Fatos Nanon në 2004, por nga Presidenca dhe Rama e këtë herë ka një skenar të provuar në dorë me lojën e Metës që dje goditi Nanon nga Parlamenti dhe sot Ramën nga Presidenca./ CNA.al





Lajmet e fundit nga