web counter
LEXO PA REKLAMA!

SHKARKO APP

App Store
Google Play

“Do t’i heqim tulla të tjera”/ Basha paralajmëron Ramën

3 Nëntor 2018, 16:10, Aktualitet CNA

Kryetari i Partisë Demokratike, Lulzim Basha është takuar pasditen e sotme me banorë të Devollit.

Teksa foli për largimin e të rinjve nga shqipëria, për mundësi më të mira që  ju ofrohen jashtë, Basha nuk ka lënë pa cekur dhe ish-ministrin e Brendshëm Saimir Tahiri dhe Fatmir Xhaafj.

Sipas kryedemokratit largimi i tyre është meritë e opozitës dhe ka paralajmëruar se të tjera ?tulla? do të hiqen.

?Kemi politikanë karriere që shërbejnë si zëdhënës të krimit. Nga Taulant Balla, tek Tahiri me Dakon, e harxhojnë kohën e tyre duke u marrë me kriminel. Ndaj kemi propozuar vettingun në politikë, që ka të bëjë me verifikimin e figurës së politikanëve. E keni parë se po e zvarrisin. Pse?

Me vettingun në politikë Rama humbet gjysmën e grupit parlamentar, pushtetin e tij. Vettingu politik nuk është thjesht një tekë e jona. Nëse e konsiderojnë vendin si cilik, neve dhe juve na lind e drejta që ta rrëzojmë këtë aleancë të krimit. Populli e ka këtë të drejtë. PD do të vijë në pushtet me votë. Partive politike nuk i ngelet asnjë rrugë që të vijnë në pushtet përveç me votë. Ndaj duhet të fillojë nga bashkimi popullor. Kjo është thirrja ime. pas dy ministrave të brendshëm, që i kemi hequr, do i heqim edhe tulla të tjera. Atë që di të pjellë veç skandale, Rilindjen e korruptuar, bashkë me shefin e saj?,- u shpreh Basha./ CNA.al





Lajmet e fundit nga