Shënim- Fillon lufta Rama-Meta/ Veliaj, Xhafaj dhe pazaret në sfond

3 Nëntor 2018, 19:09, Aktualitet CNA

Presidenti i Republikës SH.T.Z. Ilir Meta nuk ka dekretuar Sandër Lleshajn në postin e Ministrit të Brendshëm.

Në një qëndrim të bërë publik nga zëdhënësi i Metës thuhet ?Presidenti i Republikës, Sh.T.Z Ilir Meta nuk ka krijuar bindjen e plotë për t’i dhënë besimin ka kandidaturës së Z.Sandër Lleshaj si ministër i Brendshëm?. Një fjali që flet më shumë se çdo veprim dhe akt politik.

Presidenti i ka kthyer pas një kandidaturë mjaft serioze Kryeministrit. Një javë, pasi Sandër Lleshaj u propozua nuk u dëgjua asnjë akuzë apo sulm ndaj tij, as bateritë e LSI-së dhe as ato të opozitës nuk goditën dot si duhet, nuk kishin prova dhe fakte për të inkriminuar apo zbuluar lidhje të tij me krimin, çka tregon se Gjeneral Lleshaj ishte një figurë jo problematike dhe nuk dukej të kishte hije në aktivitetin e tij.

Por përtej qëndrimeve publike Ilir Meta e ka refuzuar kandidatin e Kryeministrit, i cili megjithse i pastër shihej si njeri i amerikanëve apo gjermanëve për shkak të dhjetra trajnimeve në këto dy vende.

Çfarë e ka frenuar apo trembur Ilir Metën këtë nuk është vështirë ta kuptosh.

Ose Sandër Lleshaj ka diçka të errët në dosjen e tij, ose Ilir Meta ka pasur frikë nga një Gjerneral me integritet që mund të ishte ushtari i bindur i kryeministrit dhe ndërkombëtarëve në një betejë ku prangat do tundeshin për shumë personazhe politike.

Në sfond të këtij mos dekretimi qëndron edhe vetë Fatmir Xhafaj ministri i larguar. Ky i fundit mbështetej publikisht nga LSI megjithse PD nga ana e saj e sulmonte. Por edhe kryebashkiaku i Tiranës e tirhoqi menjeherë në krah Xhafajn pas largimit të tij nga detyra, por kjo dyshe shpesh muajt e fundit shfaqej solide dhe me axhendë të përbashkët në politikë.

Vetë Meta është mbështetës i linjës së Veliajt dhe LSI e Kryemadhi i kanë siguruar jo pak mbështetje në aktivitetin e Bashkisë së Tiranës.

Një tjetër pamje që vjen pas mosdekretimit të Sandër Lleshit është edhe pazari për kreun e KLSH dhe anëtarët e Bordit të Bankës së Shqipërisë, disa vende vakante ku Ilir Meta si ?ujk? i vjetër në politikë vështirë se mund të lëshojë pe. Meta kërkon një emër pranë tij për KLSH që duhet ta votojë Parlamenti, gjë që mësohet se Rama e ka refuzuar.

Por gjithashtu Presidenti kërkon pazar edhe për bordin e BSH, ku dhe PD kërkon 2 nga gjatë vendet vakante. Sa për Lulzim Bashën dhe PD-në duket se nuk ekzistojnë aspak, por nuk mund të përjashtohet roli i Sali Berishës në këtë akt politik të Ilir Metës, pritet që doktori t?a mbështesë publikisht veprimin e Presidentit.

Mos harrojmë SHISH si dhe frikën që Ilir Meta ka nga një ministër i Brendshëm ku ai ska garanci.

?Lufta? për këto poste dhe shtysa e dhënë nga Xhafaj e Veliaj që shfaqen në sfond janë pamja e qartë e faktit pse Presidenti nuk dektetoi Sandër Lleshajn për ministër të Brendshëm./ CNA.al